வங்கி ஊழியர்களுக்கு இதோ ஒரு நல்ல செய்தி. நியூஸ் 18 இன் அறிக்கையின்படி, இந்திய வங்கிகள் சங்கம் (IBA) வங்கி தொழிற்சங்கங்களின் கோரிக்கையை ஐந்து நாள் வேலை வாரத்திற்கு பரிசீலித்து வருவதாகக் கூறப்படுவதால், அவர்களுக்கு விரைவில் 2 நாட்கள் வார விடுமுறை கிடைக்கும் என எதிர்பார்க்கப்படுகிறது.
இருப்பினும், 5 நாள் வேலை வாரத்தில் வேலை நேரம் ஒவ்வொரு நாளும் 50 நிமிடங்கள் அதிகரிக்கப்படலாம் என்று அறிக்கை கூறுகிறது.
இந்த விஷயத்தில், IBA மற்றும் யுனைடெட் ஃபோரம் ஆஃப் பேங்க் எம்ப்ளாய்ஸ் (UFBE) இடையே பேச்சுவார்த்தை நடந்து வருகிறது, மேலும் சங்கம் 5 நாள் வேலை வாரத்திற்கு கொள்கையளவில் ஒப்புக் கொண்டுள்ளது.
அகில இந்திய வங்கி அதிகாரிகள் சங்கத்தின் பொதுச் செயலாளர் எஸ் நாகராஜன், பேச்சுவார்த்தைக்குட்பட்ட சட்டத்தின் 25வது பிரிவின் கீழ் (அதாவது the Negotiable Instruments Act) அனைத்து சனிக்கிழமைகளையும் விடுமுறை தினங்களாக அரசு அறிவிக்க வேண்டும் என்று டைம்ஸ் ஆஃப் இந்தியா மேற்கோளிட்டுள்ளார். தற்போது வங்கி ஊழியர்கள் மாற்று சனிக்கிழமைகளில் பணிபுரிகின்றனர் என்பதையும் அவர் சுட்டிக்காட்டினார்.
ஊழியர்கள் தினமும் காலை 9.45 மணி முதல் மாலை 5.30 மணி வரை 40 நிமிடங்கள் கூடுதலாக வேலை செய்ய வேண்டும் என்று TOI அறிக்கை பரிந்துரைத்துள்ளது என்பது குறிப்பிடதக்கது.
கடந்த செப்டம்பர் 2022 செய்தியின் படி, வங்கி ஊழியர் சங்கங்கள், வாரத்தில் 5 நாள் வேலை என்று மாற்றப்படுவதை ஈடுகட்ட, வேலை நேரத்தை அதிகரிக்க வேண்டும் என்று முன்மொழிந்தன.
மேலும் படிக்க: மூலிகை தோட்டம் அமைக்க 50% மானியம்: 10 செடிகள் முதல் குரோ பேக் வரை பெறலாம்!
இந்திய வங்கிகள் சங்கத்திற்கு எழுதிய கடிதத்தில், அகில இந்திய வங்கி ஊழியர்கள் சங்கம், ஒரு நாளைக்கு 30 நிமிடம் வேலை நேரத்தை அதிகரிக்கலாம் என்றும், தற்போதைய வேலை நேரத்தை காலையில் 30 நிமிடங்கள் உயர்த்தலாம் என்றும் பரிந்துரைத்துள்ளது. தற்போதுள்ள வாடிக்கையாளர் சேவை நேரம்/பணமில்லா பரிவர்த்தனை வங்கி நேரத்தை 30 நிமிடங்கள் அதிகரிக்கவும், அது முன்மொழிந்துள்ளது.
முன்மொழிவின்படி, திருத்தப்பட்ட வேலை நேரம் காலை 9:45 முதல் மாலை 4:45 வரை என்பதற்கு பதிலாக காலை 9:15 முதல் மாலை 4:45 வரை இருக்கும். ரொக்கப் பரிவர்த்தனை நேரம் காலை 9:30 முதல் மதியம் 1:30 வரையிலும், மதியம் 2 முதல் 3:30 மணி வரையிலும், பணமில்லா பரிவர்த்தனைகள் மாலை 3:30 முதல் 4:45 வரையிலும் திருத்தப்படும்.
“வங்கிகளில் வாரத்திற்கு 5 வங்கி நாட்களை அறிமுகப்படுத்த வேண்டும் என்று நாங்கள் கோரி வருகிறோம். IBA ஏற்கவில்லை. கடந்த ஆண்டு, எல்.ஐ.சி.யில், இது அறிமுகப்படுத்தப்பட்டது. அதன்பிறகு, நாங்கள் மீண்டும் தொடர்ந்தோம். 2 சனிக்கிழமைகளை விடுமுறையாகக் கொண்டால் அதை எவ்வாறு ஈடுகட்டுவது என்பது பற்றிய எங்கள் கருத்துக்களை IBA விரும்பியது. இப்போது, ஒரு நாளைக்கு 30 நிமிடங்கள் அதிகரிக்கலாம் என்று ஒப்புக்கொண்டோம். IBA, அரசு மற்றும் ரிசர்வ் வங்கி இதற்கு சம்மதிக்கும் என்று நம்புகிறோம்" என்று AIBEA-வின் பொதுச் செயலாளர் சி.எச்.வெங்கடாசலம் கூறினார்.
தொற்றுநோய்களின் தொடக்க வாரத்தில் 5 நாள் வேலைக்கான கோரிக்கை எழுப்பப்பட்டது. IBA ஐந்து நாள் வேலை வாரத்திற்கான தொழிற்சங்கத்தின் முன்மொழிவை நிராகரித்தது, ஆனால் ஊழியர்களுக்கு 19% ஊதிய உயர்வை வழங்கியது. தற்போது, ஒவ்வொரு மாதமும் இரண்டாவது மற்றும் நான்காவது சனிக்கிழமை மற்றும் ஒவ்வொரு ஞாயிற்றுக்கிழமையும் வங்கிகளுக்கு விடுமுறை அளிக்கப்படுகிறது.
இந்நிலையில், IBA-வின் இந்த பரிசீலனை வங்கி ஊழியர்களிடையே எதிர்பார்ப்பை அதிகரித்துள்ளது. அதே நேரம், விரைவில் 5 நாட்கள் வங்கிகள் இயங்கும் என்ற செய்தி வெளியாகும் என எதிர்பார்க்கப்படுகிறது.
மேலும் படிக்க:
PM Kisan:13வது தவணை பெறவில்லையா? இந்த எண்களை அழைக்கவும்!
LPG சிலிண்டர் விலை அதிரடியாக உயர்வு| CM Stalin பிறந்தநாள் கொண்டாட்டம்|கோமாரி நோய் தடுப்பூசி முகாம்
Share your comments