கால்நடை மருத்துவ பயிற்சி ஊழியர்களுக்கும் இனிமேல் அகவிலைப்படி வழங்கப்படும் என மாநில அரசு தெரிவித்துள்ளது. அரசின் இந்த அறிவிப்பு மருத்துவப் பயிற்சி ஊழியர்களுக்கு இன்ப அதிர்ச்சியை ஏற்படுத்தியுள்ளது.
ராஜஸ்தானில், அரசு மருத்துவ மற்றும் ஆயுர்வேத பயிற்சி ஊழியர்களை போலவே கால்நடை மருத்துவ பயிற்சி ஊழியர்களுக்கும் அகவிலைப்படி வழங்குவதற்கு ராஜஸ்தான் அரசு ஒப்புதல் அளித்துள்ளது. இதன் மூலம் அவர்கள் நீண்டநாள் கோரிக்கை நிறைவேற்றப்பட்டுள்ளது.
கூடுதல் சலுகைகள்
இதன்படி, ஏப்ரல் 1ஆம் தேதி முதல் மருத்துவ, ஆயுர்வேத, கால்நடை மருத்துவ பயிற்சி ஊழியர்களுக்கு அகவிலைப்படியும், உதவித் தொகையும் வழங்கப்படும் என ராஜஸ்தான் அரசு வெளியிட்டுள்ள அதிகாரப்பூர்வ அறிக்கையில் தெரிவிக்கப்பட்டுள்ளது.
ஒப்புதல்
இதற்கான முன்மொழிதலுக்கு ராஜஸ்தான் முதல்வர் அசோக் கெலாட் ஒப்புதல் அளித்துள்ளார். இதுவரையில் மருத்துவ மற்றும் ஆயுர்வேத பயிற்சி ஊழியர்களுக்கு மட்டுமே அகவிலைப்படியும், உதவித் தொகையும் வழங்கப்பட்டு வந்தது.
ரூ.14,000
இந்நிலையில், கால்நடை மருத்துவ பயிற்சி ஊழியர்களுக்கும் அகவிலைப்படி, உதவித் தொகை வழங்கப்படும் என ராஜஸ்தான் அரசு அறிவித்துள்ளது. இதன்படி, கால்நடை மருத்துவ பயிற்சி ஊழியர்களுக்கு 3500 முதல் 14000 ரூபாய் வரை உதவித் தொகை வழங்கப்படும்.
மேலும் படிக்க...
Share your comments