பழுதாகி நின்ற வாகனம் எதுவானாலும் அதனை தள்ளு, தள்ளு எனத் தள்ளிச் செல்வதைப் பார்த்திருக்கிறோம். ஆனால், விமானத்தைக்கூடத் தள்ளிச் சென்றார்கள் என்றால் நம்பமுடிகிறதா?
பழுதான விமானம்
சாலையில் பழுதாகி நிற்கும் கார், லாரி, பஸ் போன்ற வாகனங்களை கையால் தள்ளி பார்த்திருக்கிறோம். ஆனால் ஓடு தளத்தில் டயர் பஞ்சராகி நின்ற பயணிகள் விமானத்தை கைகளால் தள்ளிய சம்பவம் நேபாளம் நாட்டில் நிகழ்ந்துள்ளது.
பயணிகள் விமானம்
நேபாளம் நாட்டின் காத்மாண்ட் நகரை தலைமையிடமாகக் கொண்டது யீட்டி ஏர்லைன்ஸ். இந்த நிறுவனத்திற்குச் சொந்தமான பயணிகள் விமானம் , பஜூரா மாவட்டத்தில் உள்ள கோல்டி சர்வதேச விமான நிலையத்திற்கு வந்திறங்கியது.
டயர் வெடித்தது
அப்போது எதிர்பாராதவிதமாக விமானத்தின் பின்பக்க டயர் வெடித்தது. பஞ்சாராகி ஓடுதளத்தில் நடுவில் நின்றதால் விமானத்தை நகர்த்த முடியவில்லை. இந்நிலையில் அதே ஓடுதளத்தில் மற்றொரு விமானம் தரையிறங்க முயன்றது. ஆனால் அந்த விமானம் தரையிறங்க முடியவில்லை.
உடனே விமானத்தில் பயணித்த பயணிகள், விமான நிலைய ஊழியர்கள் என 20-க்கும் மேற்பட்டோர் விமானத்தை கைகளால் தள்ளி சென்றனர். இதன் வீடியோக் காட்சி சமூக வலைதளங்களில் வைரலாகப் பரவியது.
தள்ளிச் சென்றனர்
முன்னதாக மத்திய பிரதேச மாநிலம் ஹர்தா என்ற இடத்தில், கடந்த ஆகஸ்ட் மாதம் ரயில்வே வழித்தடத்தில் சென்ற ரயில் தொழில்நுட்ப கோளாறால் நடுவழியில் நின்றது. இதையடுத்து, ஒரு தண்டவாளத்தில் இருந்து மற்றொரு தண்டவாளத்திற்கு ரயில் பெட்டியை கைகளால் தள்ளிச் சென்றனர்.
எந்த வாகனமாக இருந்தால் என்ன, எதாவது ஒரு சூழலில் தள்ளிச் செல்ல வேண்டியது விதியாகிவிட்டதே.
மேலும் படிக்க...
Share your comments