SBI வாடிக்கையாளரா? இனி அதிக வருமானம் நிச்சயம்!

பல்வேறு டெபாசிட்களுக்கான வட்டி விகிதத்தை ஸ்டேட் பேங்க் ஆஃப் இந்தியா உயர்த்தியுள்ளது.இதனால், வாடிக்கையாளர்கள் காட்டில் இனி பண மழைக் கொட்டப்போகிறது என்றே சொல்லலாம்.குறிப்பாக ஃபிக்சட் டெபாசிட் சேமிப்பு திட்டத்தின் வட்டியை உயர்த்தியிருக்கிறது.

இந்தியாவின் மிகப் பெரிய பொதுத் துறை வங்கியான ஸ்டேட் பேங்க் ஆஃப் இந்தியா தனது வாடிக்கையாளர்களுக்கு பல்வேறு சேவைகளை வழங்கி வருகிறது. அதில் ஒன்றுதான் ஃபிக்சட் டெபாசிட் சேமிப்பு திட்டம். நிலையான ஒரு தொகையை தொடர்ந்து முதலீடு செய்தால் குறிப்பிட்ட காலத்தில் ஒரு பெரிய தொகை கையில் இருக்கும். வட்டி மூலமாகவே நிறைய சம்பாதிக்கலாம். ஃபிக்சட் டெபாசிட் திட்டத்தில் முதலீடு செய்வோருக்கு தற்போது ஒரு மகிழ்ச்சியான செய்தி வந்துள்ளது.

ஃபிக்சட் டெபாசிட் திட்டத்துக்கான வட்டி விகிதத்தை ஸ்டேட் பேங்க் ஆஃப் இந்தியா உயர்த்தியுள்ளது. ரூ.2 கோடிக்கு மேலான டெபாசிட்களின் வட்டி விகிதம் 20 முதல் 40 அடிப்படை புள்ளிகள் உயர்த்தப்பட்டுள்ளது.
இந்த வட்டி உயர்வு மார்ச் 10 முதல் அமலுக்கு வந்துள்ளது. இந்த வட்டி விகிதம் புதிய டெபாசிட்களுக்கும் டேர்ம் டெபாசிட் புதுப்பிப்புக்கும் பொருந்தும்.
புதிய வட்டி விகித மாற்றத்தின் படி, 211 நாள் முதல் 365 நாட்களில் முதிர்வடையும் ஃபிக்சட் டெபாசிட்களுக்கான வட்டி 3.30 சதவீதமாக உயர்ந்துள்ளது. அதேபோல, மூத்த குடிமக்களுக்கு 3.80 சதவீதம் வரை வட்டி லாபம் கிடைக்கும்.

ரூ.2 கோடிக்கு குறைவான டெபாசிட்களுக்கான வட்டி விகிதமும் உயர்த்தப்பட்டுள்ளது. அதில் வாடிக்கையாளர்கள் 5.20 சதவீதம் வரை வட்டி லாபம் பெறலாம். 2 முதல் 3 ஆண்டுகள் வரை முதிர்வு கொண்ட டெபாசிட்களுக்கு இது பொருந்தும்.அதேபோல, 3 முதல் 5 ஆண்டு வரையிலான டெபாசிட்களுக்கான வட்டி விகிதமும் 5.45 சதவீதமாக உயர்ந்துள்ளது.

பிற வங்கிகள்

ஸ்டேட் பேங்க் ஆஃப் இந்தியா மட்டுமல்லாமல், ஹெச்டிஎஃப்சி பேங்க், ஐசிஐசிஐ பேங்க், பேங்க் ஆஃப் பரோடா, கோடாக் மகிந்திரா பேங்க் உள்ளிட்ட பல்வேறு வங்கிகள் தங்களது வட்டி விகிதங்களை உயர்த்தியுள்ளன.

மேலும் படிக்க...

பெண் விவசாயிகள் காளான் உற்பத்தி கூடம் அமைக்க ரூ.1.லட்சம் மானியம்

பிறந்து 7 நாட்களே ஆனப் பெண் குழந்தை- சுட்டுக்கொன்றத் தந்தை!