கால்நடை

கோழித் தீவனத்தில் நச்சுத்தடுப்பு மருந்து சேர்ப்பது அவசியம்!

Elavarse Sivakumar Updated on 2 November, 2020 8:57 AM IST

It is necessary to add antiseptic in chicken feed!

பருவமழைக் காலம் என்பதால் கோழிகளுக்கு வழங்கப்படும் தீவனத்தில் பூஞ்சான் ஏற்படுவதைத் தடுக்கத் தடுப்பு மருந்தைப் பயன்படுத்த வேண்டும் என வானிலை ஆய்வுமையம் அறிவுறுத்தியுள்ளது.

இதுகுறித்து நாமக்கல் கால்நடை மருத்துவக்கல்லூரி வானிலை ஆய்வு மையம் வெளியிட்டுள்ள செய்திக் குறிப்பில் குறிப்பிடப்பட்டிருப்பதாவது:

தொடர்ந்து நான்கு நாட்களுக்கு வானம் மேகமூட்டத்துடன் காணப்படும். காற்று மணிக்கு 6 கிலோ மீட்டர் வேகத்தில், வடகிழக்கு திசையில் இருந்து வீசக்கூடும்.
மாநிலத்தின் சில இடங்களில் லேசான மழை எதிர்பார்க்கப்படுகிறது.
காற்றின் வேகம் அதிகரித்து காணப்படுவதால் பண்ணைகளில் தீவனம் வீணாகாமல் பாதுகாத்துக்கொள்ளும் வியூகங்களை கோழிப் பண்ணையாளர்கள் வகுக்க வேண்டும்.
பண்ணைகளின் உயர்மனைகள் பக்கவாட்டில் படுதாக்களை கட்டி தொங்கவிட வேண்டும்.
மேலும் கோழிக்கு அளிக்கப்படும் தீவனத்தில் நுண்ணுயிர் ஸ்டெப்லோகாக்கஸ் கிருமிகள் ஈகோலை கிளாஸ்டிரியம் ஆகியவற்றின் தாக்கம் உள்ளதா என பரிசோதனை செய்து, அதற்கு தகுந்தாற்போல் தீவன மேலாண்மை முறைகளைக் கையாள வேண்டும்.
மழைக்காலமாக இருப்பதால், தீவன மூலப்பொருள்களில் பூஞ்சை நச்சுகளின் தாக்கம் அதிகரிக்க வாய்ப்புள்ளதால் தீவனத்தில் தகுந்த நச்சுத் தடுப்பு மருந்துகளை உபயோகிக்க வேண்டும்.