1. Blogs

காய்கறி நாற்றுக்கள் உற்பத்தி செய்ய தோட்டக்கலை துறை நடவடிக்கை

Anitha Jegadeesan
Anitha Jegadeesan
seedling Tray

தோட்டக்கலை துறையின் சார்பில் குறைந்த விலையில் காய்கறி நாற்றுக்களை விவசாயிகளுக்கும், பொது மக்களுக்கும் விநியோகிக்க திட்டமிட்டுள்ளது. இதற்காக மாநிலம் முழுதும் உள்ள 80 தோட்டக்கலை துறைக்கு சொந்தமான பண்ணைகளில், காய்கறி நாற்றுகள் உற்பத்தி செய்யும் பணி துவங்கியுள்ளது.

கரோனா மற்றும் ஊரடங்கு உத்தரவினால் வெளிமாநிலங்களில் இருந்து வரும் காய்கறிகள் குறைந்துள்ளது. பெரும்பாலான மாவட்டங்களில் காய்கறி அறுவடை இறுதிக் கட்டத்தை எட்டியுள்ளது. எனவே புதிதாக காய்கறி நாற்றுக்கள் உற்பத்தி செய்வதன் மூலம், எதிர்கால தேவையை சமாளிக்க இயலும்.

தோட்டக்கலை துறை பண்ணைகளில் புதிய காய்கறி நாற்றுக்களை உற்பத்தி செய்வதற்காக தமிழக அரசு ரூ.10 கோடியை, வேளாண் துறை செயலர் மற்றும் தோட்டக்கலைத் துறை இயக்குனர் ஆகியோரிடம் அளித்துள்ளது. மாவட்டம் தோறும் உள்ள தோட்டக்கலை துறை பண்ணைகளில் 23 கோடி காய்கறி நாற்றுக்களை உற்பத்தி செய்ய இலக்கு நிர்ணயித்து உள்ளது.

அரசின் நிதியை பயன்படுத்தி, தினமும் பயன்படுத்தும் காய்கறிகளான தக்காளி, வெங்காயம், கத்தரி, மிளகாய், வெண்டை, பாகற்காய் உள்ளிட்ட காய்கறி நாற்றுக்களை உற்பத்தி செய்யும் பணி துவங்கப்பட்டுள்ளது. ஒரு நாற்று, ரூ.1க்கு, என்று விலை நிர்ணயித்து விவசாயிகளுக்கு விற்பனை செய்ய திட்டமிட்டுள்ளது.

English Summary: State Government Nurseries Going To Increase Seedling Tray for Upcoming Shortfall

Like this article?

Hey! I am Anitha Jegadeesan. Did you liked this article and have suggestions to improve this article? Mail me your suggestions and feedback.

Share your comments

Latest feeds

More News

CopyRight - 2021 Krishi Jagran Media Group. All Rights Reserved.