நீங்களும் தொழில் முனைவோராக வாய்ப்பு-பேக்கரிப் பயிற்சி அளிக்கிறது TNAU!

தமிழ்நாடு வேளாண்மைப் பல்கலைக்கழகத்தின் சார்பில், 2நாள் பேக்கரி எனப்படும் அடுமனைத் தொழில்நுட்பப் பயிற்சி வழங்க ஏற்பாடு செய்யப்பட்டுள்ளது.

வேளாண் படிப்பு (Agricultural Studies)

கோவையில் இயங்கிவரும் தமிழ்நாடு வேளாண்மைப் பல்கலைக்கழகம் வேளாண்மை அறிவியல் குறித்து மாணவர்களுக்குக் கற்பிப்பதுடன், விவசாயிகளுக்கும் விவசாயம் சார்ந்த பல்வேறு விஷயங்களையும் கற்றுக்கொடுக்கும் பணியையும் செய்து வருகிறது.

தொழில்முனைவோராக மாற (Become an Entrepreneur)

சான்று பெற்ற பயிர் ரகங்களை அறிமுகப்படுத்துவதுடன், அவற்றில் பூச்சி மற்றும் நோய் மேலாண்மை, சாகுபடித் தொழில்நுட்பம், அதிக மகசூலுக்கான சூட்சமம் என விவசாயத்திற்கு இன்றியமையாத விஷயங்களையும் வேளாண் பல்கலைக்கழகம் கற்றுக்கொடுத்து வருகிறது.

அதேநேரத்தில் தொழில்முனைவோராக மாற வேண்டும் என நினைப்பவர்களுக்கும் ஆலோசனை வழங்குவதிலும், தமிழ்நாடு வேளாண்மைப் பல்கலைக்கழகத்தின் பணி மகத்தானது.

2 நாள் பயிற்சி (2 day training)

அந்த வரிசையில், வரும் 25.08.2021 மற்றும் 26.08.2021 தேதிகளில் தமிழ்நாடு வேளாண்மைப் பல்கலைக் கழகத்தில், அடுமனைத் தொழில்நுட்பம் பற்றிய இரண்டு நாட்கள் பயிற்சியை நடத்த முடிவு செய்யப்பட்டுள்ளது.

அடுமனை உணவுப் பொருட் களுக்கு (Bakery Products) தற்பொழுது மக்கள் மத்தியில், அதிக வரவேற்பு உள்ளது. அதற்கான முக்கியக் காரணம் விரும்பத் தக்க வகையிலும் பல சுவைகளிலும் மிக எளிதில் இவை கிடைப்பதேயாகும்.
வளர்ந்து வரும் இந்த அடுமனைத் தொழில் நுட்பங்கள் சிறுதொழில் முனைவோருக்கு தங்களது வருமானத்தைப் பெருக்கப் பெரிதும் உதவியாக இருக்கும்.

பேக்கரிப் பொருட்கள் (Bakery products)

ஆகவே, இந்தப் பயிற்சியின்போது கீழ்க்காணும் அடுமனைப் பொருட்களான, ரொட்டி வகைகள், கேக் மற்றும் பிஸ்கட், பப்ஸ், கட்லெட் மற்றும் சமோசா வகைகள் எளிய முறையில் தயாரிப்பதற்கான தொழில் நுட்பப் பயிற்சி அளிக்கப்படுகிறது.

பயிற்சிக் கட்டணம் (Training fees)

இத்தொழில் நுட்பத்தில் ஆர்வமுள்ள தொழில் முனைவோர் மற்றும் ஏனைய ஆர்வலர்கள் ரூ.1,500/- +18% GSTசெலுத்தி தங்கள் பெயரைப் பதிவு செய்து கொள்ளலாம்.

தொடர்புக்கு (Contact)

மேலும் விபரங்களுக்கு தொடர்பு கொள்ள வேண்டிய முகவரி, பேராசிரியர் மற்றும் தலைவர், அறுவடை பின்சார் தொழில் நுட்பத் துறை, வேளாண் பொறியியல் கல்லூரி மற்றும் ஆராய்ச்சி நிலையம், தமிழ்நாடு வேளாண்மை பல்கலைகழகம், கோயம்புத்தூர் 641 003 என்ற முகவரியிலும், 0422 -6611268, 044 - 6611340 என்றத் தொலைப்பேசி எண்களிலும் தொடர்பு கொள்ளலாம்.

மேலும் படிக்க...

Business: ரூ.7 லட்சம் மாதம் வருமானம்!!! முதலீடு 3 லட்சம்!

நகைக் கடன் தள்ளுபடி,எவருக்கெல்லாம்? வெளியான முக்கிய தகவல்!