திருமணத்திற்கு ரூ.10 ஆயிரம் தரும் உழவர் பாதுகாப்புத் திட்டம் தெரியுமா? மனுக்கள் பெறப்படுகின்றன முந்துங்கள்!

Do you know the farmer protection scheme that gives Rs. 10 thousand for marriage? Prior to receiving petitions! — Credit : Tamil Mirror

உலகுக்கே உணவு வழங்கும் உழவர்களுக்கு மாதம் ரூ.1000 ஓய்வூதியம், திருமணத்துக்கு ரூ.10 ஆயிரம், குழந்தைகளின் கல்விக்கு நிதியுதவி உள்ளிட்ட பல்வேறு சலுகைகளை வழங்குவதற்காக அறிமுப்படுத்தப்பட்டதே புதிய உழவர் பாதுகாப்பு திட்டம்.

விவசாயிகள், விவசாய தொழிலாளர்கள் மற்றும் அவர்களது குடும்பத்தினருக்கு வாழ்நாள் முழுவதும் உறுதுணையாக இருக்கும் வகையில் புதிய, விரிவுபடுத்தப்பட்ட சமூக பாதுகாப்பு திட்டம் ஒன்றை தமிழக அரசு செயல்படுத்திவருகிறது.

தகுதிகள் (Qualifications)

இதற்கு முதலமைச்சரின் உழவர் பாதுகாப்பு திட்டம் என்று பெயர். இத்திட்டத்தில் இணைய இரண்டரை ஏக்கருக்கு மேற்படாத நன்செய் நிலம் அல்லது 5 ஏக்கருக்கு மேற்படாத புன்செய் நிலம் விவசாயிகளுக்கு சொந்தமாக இருக்க வேண்டும்.

அந்த நிலத்தில் நேரடியாக பயிர் செய்யும் 18 வயது முதல் 65 வயதுக்கு உட்பட்ட விவசாயிகள் மற்றும் விவசாயம் சார்ந்த தொழிலில் ஊதியத்திற்கோ அல்லது குத்தகை அடிப்படையிலோ ஈடுபட்டுள்ள 18 வயது முதல் 65 வயது வரை உள்ள அனைத்து விவசாய குத்தகைதாரர்கள், தொழிலாளர்கள் மற்றும் இவர்களை சார்ந்து வாழும் குடும்ப உறுப்பினர்கள் இந்தத் திட்டத்தின் கீழ் பயன் அடைவர்.

அடையாள அட்டை (Idendity Card)

ஒரு குடும்பத்தில் விவசாய தொழிலில் ஈடுபடும் கணவன், மனைவி இருவருக்கும் மெருன் வண்ணத்திலும், அவர்களை சார்ந்து வாழும் பிற குடும்ப உறுப்பினர்களுக்கு சாம்பல் நிறத்திலும் அடையாள அட்டை வழங்கப்படும். அடையாள அட்டை பெறும் அனைவரும் அரசின் திட்ட உதவிகளை பெற தகுதி உடையவர்கள் ஆவர்.

சலுகைகள்:

கல்வி உதவி( Education Aid)

விவசாயிகள் மற்றும் விவசாய தொழிலாளர்களின் குடும்ப உறுப்பினர்கள் உயர்கல்வி கற்பதை ஊக்குவிக்கும் வகையில் கல்வி உதவித் தொகை வழங்கப்படும்.
பட்டயப்படிப்புக்கு (Diploma)ஆண்டு ஒன்றுக்கு ரூ.1250 முதல் ரூ.1950 வரையும், பட்டப்படிப்புக்கு (Degree)ரூ.1750 முதல் ரூ.2500 வரையும், முதுகலை பட்டப் படிப்புக்கு(PG) ரூ.2250 முதல் ரூ.3750 வரையிலும், சட்டம், பொறியியல், மருத்துவம், வேளாண்மை, கால்நடை அறிவியல் போன்ற தொழிற்படிப்புகளுக்கு ரூ.2250 முதல் ரூ.4750 வரையிலும், இவற்றில் முதுகலை பட்டப்படிப்புக்கு ரூ.4250 முதல் ரூ.6750 வரையிலும் கல்வி உதவி தொகையாக வழங்கப்படும்.

திருமண உதவி(Marriage Aid)

சமூக நலத்துறையின் மூலம் செயல்படுத்தப்படும் திருமண உதவி திட்டங்களின் கீழ் உதவித் தொகை பெற இயலாதவர்களுக்கு இந்த திட்டத்தின் கீழ் உதவித் தொகை வழங்கப்படும்.
இந்த திட்டத்தின் கீழ் திருமண உதவித் தொகையாக ஆணுக்கு ரூ.8 ஆயிரமும் , பெண்ணுக்கு ரூ.10 ஆயிரமும் வழங்கப்படும்.

முதியோர் ஓய்வூதியம் (Senior Citizen Pension)

60 வயதுக்கு மேற்பட்ட ஆதரவற்ற விவசாயிகள் மற்றும் விவசாய தொழிலாளர்களுக்கு மாதம் ஒன்றுக்கு 1000 ரூபாய் ஓய்வூதியமாக வழங்கப்படும்.

ஈடச்சடங்கு உதவி (Ceremonial assistance)

உறுப்பினரோ அல்லது அவரை சார்ந்தவரோ இறக்க நேரிட்டால் அந்தக் குடும்பத்துக்கு ஈமச் சடங்குக்கான உதவித் தொகை உடனடியாக வழங்கப்படும். தமிழக அரசின் உழவர் பாதுகாப்பு திட்டத்தின் கீழ் அடையாள அட்டை வழங்குவதற்காக தற்போது மனுக்கள் பெறப்படுகின்றன. பழைய அட்டை வைத்திருக்கும் விவசாயிகளும் புதுப்பித்து கொள்ளலாம்.

தொடர்பு அலுவலர் : கிராம நிர்வாக அலுவலர்.