படுக்கைக்குச் செல்லும்முன்பு 3 ஏலக்காய்- எத்தனை நன்மைகள்!

நம் அஞ்சறைப்பெட்டியில் கட்டாயம் இடம்பெறுவது ஏலக்காய். இந்த ஏலக்காய் உணவுக்கு வாசனையைக் கொடுப்பதோடு மட்டுமல்லாமல், பல மருத்துவ நன்மைகளையும் நமக்குத் தருகிறது. அதிலும், இரவில் தூங்குவதற்கு முன்பு தினமும் 3 ஏலக்காயை சாப்பிட்டால் இவ்வளவு நன்மைகள் இருக்கின்றன. ஏலக்காய் இஞ்சி குடும்பத்தைச் சேர்ந்தது. எனவே ஏலக்காய், இஞ்சி இரண்டின் ஆரோக்கிய நன்மைகளும் ஒரே மாதிரியானவை.

ஏலக்காய் சாப்பிட்டால், வாய் துர்நாற்றம், இதயம் தொடர்பான பிரச்சனைகள், விக்கல், தோல் தொற்று நோய் போன்றவற்றை போக்குகிறது.
ஏலக்காயில் கார்போஹைட்ரேட்டுகள், நார்ச்சத்து, கால்சியம், பொட்டாசியம், மெக்னீசியம், இரும்புச்சத்து, பாஸ்பரஸ் ஆகியவை உள்ளன.

நல்ல உறக்கம்

இதனால், ஏலக்காய் உடலுக்கு நன்மை பயக்கும் உணவுப் பொருளாகப் பார்க்கப்படுகிறது. தினமும் இரவில் தூங்க செல்வதற்கு முன்பு, குறைந்தது 3 ஏலக்காயை வெதுவெதுப்பான நீரில் போட்டு சாப்பிடுங்கள். இப்படி தினமும் 3 ஏலக்காயை சாப்பிட்டால், நல்ல உறக்கம் வரும். குறட்டை பிரச்னை தீரும்.

3 ஏலக்காய்

தினமும் வெதுவெதுப்பான நீரில் 3 ஏலக்காயை சாப்பிடுவதால், வாயுத் தொல்லை, அஜீரணம், மலச்சிக்கல், வயிற்றுப் பிடிப்பு போன்ற பிரச்னைகளை சரி செய்கிறது. அதுமட்டுமில்லாமல், ஏலக்காய் நீரிழிவு நோயாளிகள், ஆஸ்துமா, இதய பாதிப்பு கொண்டவர்கள் என தீராத நோயால் பாதிக்கப்பட்டவர்களுக்கு நன்மை அளிக்கிறது.

அதைவிட முக்கியமானது, மனநலம் பாதிக்கப்பட்டவர்களுக்கு அவர்களின் மனநிலையை மாற்றும் சக்தி ஏலக்காய்க்கு உண்டு என்பதை தெரிந்துகொள்ளுங்கள். மனப்பதட்டம், குமட்டல் போன்றவற்றிற்கும் ஏலக்காய் சிறந்த மருந்தாக இருக்கிறது.

பருவநிலை மாற்றத்தின்போது, வரும் சளி, இருமல், காய்ச்சலுக்கு ஏலக்காய் சிறந்த வீட்டு வைத்தியம் என்று கூறலாம். உடல் பருமன் , உயர் இரத்த அழுத்தம், கொழுப்பு, போன்ற பிரச்னைகளுக்கும் ஏலக்காய் நல்ல பலன் அளிக்கிறது. ஏலக்காய் புற்று நோய் எதிர்ப்பு தன்மை கொண்டுள்ளது என்பது முக்கியச் செய்தி. அதனால், இரவில் தூங்குவதற்கு முன்பு தினமும் 3 ஏலக்காயை வெதுவெதுப்பான நீரில் சாப்பிட்டு உங்கள் ஆரோக்கியத்தைத் தக்கவைத்துக்கொள்ளுங்கள்.

மேலும் படிக்க...