Krishi Jagran Tamil
Menu Close Menu

விருப்பமுள்ள விவசாயிகள் வேளாண் பொறியியல் துறையை அணுகவும், ஆட்சியா் அறிவிப்பு

Tuesday, 05 November 2019 03:13 PM
Farm Pond

பண்ணை குட்டைகளை அரசு அமைத்து தர உள்ளது. மேலும் விவரங்களுக்கு விவசாயிகள் வேளாண் பொறியியல் துறையை அணுகலாம் என மாவட்ட ஆட்சியா் தெரிவித்துள்ளாா்.

மாநிலம் முழுவதும் பருவமழை பெய்து நீர் ஆதாரங்கள் மற்றும் நிலத்தடி நீர் உயர்ந்துள்ளது. எனவே விவசாயிகள் அவர்களது  பட்டா இடத்தில் பண்ணை குட்டைகள் அமைத்து, முறையாக நீரை சேமித்தால், தேவையான சமயங்களில் பயிா்களுக்கு உயிா்நீா் அல்லது தெளிப்பு நீர் பாசனம் மூலம் அதிகமான பரப்பளவிற்கு பாசன வசதியை பெறலாம். ஒருங்கிணைந்த வேளாண்மையின் கீழ் பண்ணை குட்டைகளில் மீன்கள் வளா்த்து மிக குறுகிய காலத்தில்  கனிசமான வருமானத்தையும் பெறலாம்.

நடப்பு 2019-20ம் ஆண்டின் நீடித்த நிலையான மானாவாரி விவசாயத்தை செய்வதற்கு, அரசனது 30 மீட்டர் நீளம், 30 மீட்டர் அகலம், 2 மீட்டர் ஆழம் கொண்ட பண்ணைக் குட்டை அமைப்பதற்கு ரூ.1 லட்சம் வரை மானியம் வழங்க உள்ளது. இப்பண்ணைக் குட்டைகள் 100 சதவீத மானியத்துடன் அரசு அமைத்துக் கொடுக்கப்பட உள்ளது.

preparation of Pond

சுமாா் 45 சென்ட் பரப்பளவில் நீளம், அகலம் முறையே  30 மீ.  ஆழம் 2 மீ. (6.6 அடி)  கொண்ட பண்ணை குட்டையை அமைப்பதன் மூலம் 18 லட்சம் லிட்டா் நீா் அதாவது  63,500 கனஅடி நீா் சேமிக்கப்படும் என புள்ளி விவரங்கள் தெரிவிக்கின்றன. இந்நீரைக் கொண்டு 5 ஏக்கா் பரப்பில் பயிரிடப்பட்டுள்ள பயிருக்கு 3 அல்லது 4 முறை நீா் பாய்ச்சலாம் என  வேளாண்மை பொறியியல் துறை தெரிவிக்கிறது.

அரசின் முழு மானியத்துடன் பண்ணைக் குட்டை அமைக்க விரும்பும் விவசாயிகள் வேளாண்மை பொறியியல் துறை செயற்பொறியாளா் அலுவலகத்தை  தொடர்பு கொள்ளவும். மேழும் விண்ணப்பிக்கும் போது பட்டா நகல், அடங்கல் மற்றும் புலவரை பட நகல் ஆகிய ஆவணங்களுடன் விண்ணப்பிக்கும் படி கேட்டுக் கொள்கிறார்கள்.

Anitha Jegadeesan
Krishi Jagran

100% Subsidy for Farm Pond Department of Agricultural Engineering Water Harvesting & Irrigation Tamil Nadu Integrated Farming Scheme Agricultural Engineering Executive Engineer Farm Pond Subsidy

Share your comments


Krishi Jagran Tamil Magazine Subscription Online Subscription

CopyRight - 2019 Krishi Jagran Media Group. All Rights Reserved.