Krishi Jagran Tamil
Menu Close Menu

ஆக. 1 முதல் அபராதத்தை உயர்த்த வங்கிகள் முடிவு -மினிமம் டெபாசிட்டில் கவனம் தேவை

Saturday, 18 July 2020 08:44 AM , by: Elavarse Sivakumar

குறைந்தப்பட்ச இருப்புத் தொகை மற்றும் பணம் கையாளும் கட்டணத்தை வரும் ஆகஸ்ட் 1ம் தேதி முதல் உயர்த்த வங்கிகள் முடிவு செய்துள்ளன.

உங்கள் சம்பளத்தை நீங்கள் வேலை பார்க்கும் நிறுவனங்கள் கட்டாயம் வங்கியில் தான் போட வேண்டும் என்று அரசு உத்தரவிட்டது. இதன்படி அனைத்தும் வங்கிமயமாகிவிட்டது.  அனைத்தும் வங்கிமயமான பின்னர் நமக்கு அளிக்கும் ஒவ்வொரு சேவைக்கும் பணம் வசூலிக்க தொடங்கின வங்கிகள்.

அந்த வரிசையில் தற்போது டிஜிட்டல் பரிவர்த்தனையை ஊக்குவிக்கும் வகையில் இந்த புதிய நடவடிக்கை எடுக்கப்பட்டுள்ளது.

குறைந்தபட்ச இருப்புத்தொகை

இதன்படி, வங்கி சேமிப்பு கணக்குகளில் குறைந்தப்பட்ச இருப்புத்தொகையைப் பராமரிக்க வேண்டும். நகரம் மற்றும் கிராமப்புற கிளைகளுக்கு ஏற்ப இந்த இருப்பு தொகை மாறுபடுகிறது.

இதற்கு மேல் இருப்பு குறைந்தால் வங்கிகள் அபராதம் வசூலிக்கத் திட்டமிட்டுள்ளன. அடிப்படை வங்கி கணக்குகள் சிலவற்றுக்கு மட்டும் இதில் இருந்து விலக்கு அளிக்கப்படும்.

வரும் 1ம் தேதி முதல் உயர்வு

இந்நிலையில், பாங்க் ஆப் மகாராஷ்டிரா, கோடக் மகிந்திரா வங்கி, ஆர்பிஎல் வங்கி ஆகியவை குறைந்த பட்ச சராசரி இருப்பு தொகை அளவு மற்றும் பணம் கையாள்வதற்கான கட்டணத்தை வரும் ஆகஸ்ட் 1ம் தேதியில் இருந்து உயர்த்த திட்டமிட்டுள்ளதாக தகவல்கள் வெளியாகியுள்ளன.

பாங்க் ஆப் மகாராஷ்டிராவில் முன்பு, மாதாந்திர சராசரி இருப்பு தொகை ரூ.1,500 ஆக இருந்தது. இது தற்போது ரூ.2,000 ஆக உயர்த்தப்படுகிறது. இதற்கு கீழ் குறைந்தால் கிராமப்புற கிளைகளில் 20ரூபாயும், பெருநகரங்களில் 75 ரூபாயும் அபராதமாக வசூலிக்கப்படும். நடப்பு கணக்கு வைத்திருப்பவர்களின் மாத சராசரி இருப்பு ரூ.5000 ஆக நிர்ணயிக்கப்பட்டுள்ளது. இதுபோல், பணம் எடுப்பது மற்றும் டெபாசிட் பெறுவது 3 முறை மட்டுமே இலவசம். அதற்கு மேல் ஒவ்வொரு பரிவர்த்தனைக்கும் ரூ.100 வசூலிக்கப்படும்.

இசிஎஸ் கட்டணம்

ஆக்சிஸ் வங்கி இசிஎஸ் பரிவர்த்தனைக்கு ரூ.25 வசூலிக்க உள்ளன. இதற்கு முன்பு கட்டணம் கிடையாது. மேலும், ரூ.10, ரூ.20 மற்றும் ரூ.50 ஆகிய குறைந்த மதிப்பிலான ரூபாய் நோட்டுக்களை கையாள, 1000 எண்ணிக்கைக்கு கையாளுதல் கட்டணமாக ரூ.100 வசூலிக்கப்பட உள்ளது.

பேலன்ஸ் பார்க்கக் காசு

கோடக் மகிந்திரா வங்கியில் சேமிப்பு கணக்கு மற்றும் சம்பள கணக்குகளில் 5 இலவச ஏடிஎம் பரிவர்த்தனைகளுக்கு பிறகு பணம் எடுக்க ரூ.20, இருப்பு பார்ப்பது போன்றவற்றுக்கு ரூ.8.50, இதுபோல் கணக்குகளுக்கு ஏற்ப பணம் எடுப்பதற்கு 4வது பரிவர்த்தனைக்கு ரூ.100 வசூலிக்கப்பட உள்ளது.

வரும் ஆகஸ்ட் 1ம் தேதி முதல் அபராதத்தை உயர்த்த உள்ளன. மேலும் பல்வேறு சேவை கட்டணங்களையும் உயர்த்த உள்ளன. எனவே உங்கள் சேமிப்பு கணக்கில் குறைந்தபட்ச இருப்பு தொகையை குறைவாக வைக்காதீர்கள். அப்படி செய்தால் உங்களுக்கு அபராதம் அதிகமாக விதிக்கப்படும். வேறு வங்கி ஏடிஎம் பக்கமும் போக வேண்டாம். அப்படி போனால் அதற்கும் அதிக கட்டணத்தை கொடுக்க வேண்டிய சூழ்நிலை உருவாகும்.

மேலும் படிக்க...

எஸ்பிஐ வாரிவழங்கும் வேளாண் தங்கக் கடன் - எளிதில் பெறுவதற்கான வழிமுறைகள்

வெறும் 5ஆயிரம் மூதலீட்டில், அஞ்சலக முகவராக வாய்ப்பு - எளிய வழிமுறைகள்!

கட்டணம் உயர்கிறது ஆகஸ்ட் 1ம் தேதி முதல் வங்கிகள் திட்டம்
English Summary: Banks decide to raise fines from August

Share your comments


Krishi Jagran Tamil Magazine Subscription Online Subscription


Monsoon 2020 update on Krishi Jagran Tamil Help App

Latest Stories

  1. ஒருங்கிணைந்த பண்ணை அமைத்து, வருஷத்திற்கு 4 லட்சம் சம்பாதிக்கலாம் வாங்க! பார்த்தசாரதி சொல்றத கேளுங்க..!
  2. விவசாயிகள் கடன் பெற உதவும் கிசான் கிரெடிட் கார்டு! - விண்ணப்பிப்பது எப்படி?
  3. 40% மானியத்தில் காய்கறி விதைகள் தொகுப்பு திட்டம்!- பயனடையுமாறு ஆட்சியர் அழைப்பு!
  4. விவசாயத்தில் இரட்டை லாபம் ஈட்ட வேண்டுமா? வேளாண்மை மீன் வளர்ப்பில் ஈடுபடுங்கள்!
  5. இலக்கை மிஞ்சிய குறுவை சாகுபடி - குவியும் நெல் மூட்டைகள்!
  6. நீலகிரிக்கு தொடரும் ரெட் ஆலர்ட்; அதி கன மழைக்கும் வாய்ப்பு!!
  7. வியாபாரச் சான்றிதழ் இல்லாத வணிகர்களும் PM SVANidhi திட்டத்தில் பயன்பெறலாம்!!
  8. மானாவாரி துவரையில் அதிக மகசூல் பெற வேண்டுமா? வேளாண்துறை அளிக்கும் ஆலோசனைகள்!!
  9. சத்தான சமச்சீர் உணவிற்கு அவசியமான கீரைகளும் அதன் நன்மைகளும்!
  10. குறைந்த முதலீட்டில் அதிகம் லாபம் தரும் காடை வளப்பு!

CopyRight - 2020 Krishi Jagran Media Group. All Rights Reserved.