அரசு வேலைகளுக்கு கட்டாயமாக்கப்பட்ட தமிழ் மொழித் தாள்!

அரசு வேலைகளில் பெண்களுக்கான இட ஒதுக்கீடு 30% லிருந்து 40% ஆக உயர்த்தப்படும். அரசு வேலைகளில் தமிழர்களுக்கு முன்னுரிமை அளிப்பதில் ஆர்வம் கொண்ட திமுக அரசு, தமிழ்நாடு அரசுப் பணியாளர் தேர்வாணையம் (டிஎன்பிஎஸ்சி) மற்றும் ஆசிரியர் ஆட்சேர்ப்பு வாரியம் (டிஆர்பி) போன்ற நிறுவனங்களால் நடத்தப்படும் தேர்வுகளில் தமிழ் மொழித் தாள் கட்டாயமாக இருக்கும் என்று அறிவித்துள்ளது.

"அரசு துறைகள் மற்றும் பிற மாநில அரசு நிறுவனங்களில் 100% வேலைகள் தமிழ் இளைஞர்களால் நிரப்பப்படுவதை உறுதி செய்வதே நோக்கம்" என்று நிதி மற்றும் மனித வள அமைச்சர் பழனிவேல் தியாகராஜன் கூறினார்.

அதனை தொடர்ந்து அரசு வேலைகளில் பெண்களுக்கான இட ஒதுக்கீடு 30% லிருந்து 40% ஆக உயர்த்தப்படும் என்று அவர் அறிவித்தார். மாற்றங்களை ஊக்குவிக்க பாலின சமத்துவம் அவசியம் என்பதால் பெண்களுக்கான இட ஒதுக்கீட்டை அதிகரிப்பதற்கான மசோதா அறிமுகப்படுத்தப்படும், ”என்றார்.

கோவிட் -19-ல் பெற்றோரை இழந்தவர்கள், முதல் தலைமுறை பட்டதாரிகள் மற்றும் அரசுப் பள்ளிகளில் படித்த தமிழ் வழி மாணவர்களுக்கு முன்னுரிமை அளிக்கப்படும் என்று அமைச்சர் கூறினார். தொற்றுநோயால் ஏற்படும் தாமதம் காரணமாக அரசு நிறுவனங்களில் நடத்தப்படும் ஆட்சேர்ப்புக்கான வயது வரம்பு இரண்டு ஆண்டுகள் அதிகரிக்கப்படும், என்றார்.

அண்ணா மேலாண்மை நிறுவனத்தை மேம்படுத்துவதற்கான அறிவிப்புகளை திரு.ராஜனும் வெளியிட்டார். நிறுவனத்திற்கு தடையின்றி மின்சாரம் வழங்குவதை உறுதி செய்ய தலா 500 KVA திறன் கொண்ட இரண்டு மின்மாற்றிகள் நிறுவப்படும் என்றார். "அதன் ஊழியர்களுக்கான வீடுகள் ₹ 3.5 கோடி செலவில் கட்டப்படும்," என்று அவர் கூறினார்.

இந்த நிறுவனம், முறையான பயிற்சி பெறாத இரண்டாம் நிலை ஆசிரியர்கள், மேல்நிலைப் பள்ளி தலைமை ஆசிரியர்கள், அங்கன்வாடி ஊழியர்கள் மற்றும் பிற அரசு ஊழியர்களுக்கு பயிற்சி அளிக்கும் என்று அமைச்சர் கூறினார். இதற்கு 2 கோடி செலவாகும் என்றும் அவர் குறிப்பிட்டார்.

மேலும் படிக்க...

TNPSC தேர்வுக்கு ஆன்லைனில் தமிழக அரசு இலவச பயிற்சி!