அரிசி மூட்டைக்கு ஜிஎஸ்டி: புதுவித தீர்வுடன் விற்பனையாளர்கள்!

நாடு முழுவதும் ஒரே வரி விதிப்பு நடைமுறையைக் கொண்டுவரும் நோக்கத்தில் 2017 ஆம் ஆண்டின் ஜூலை மாதத்தில் புதிய சரக்கு மற்றும் சேவை வரி (ஜிஎஸ்டி) அமல்படுத்தப்பட்டது. ஜிஎஸ்டியின் கீழ் அனைத்து பொருட்களுக்கும் சேவைகளுக்கும் ஒரே மாதிரியான வரி நான்கு அடுக்குகளின் கீழ் பிரிக்கப்பட்டு நிர்ணயம் செய்யப்பட்டது. ஜிஎஸ்டி அமலான பிறகு நிறைய மாற்றங்கள் வந்துள்ளன. நிறைய பொருட்களுக்கு வரி விலக்கு வழங்கப்பட்டது. நிறைய பொருட்களின் வரி உயர்த்தப்பட்டும் குறைக்கப்பட்டும் இருக்கிறது.

அரிசிக்கு ஜிஎஸ்டி (GST for Rice)

பேக்கிங் செய்யப்பட்ட அரிசி, பருப்பு போன்ற உணவுப் பொருட்களுக்கு சமீபத்தில் ஜிஎஸ்டி வரி மாற்றியமைக்கப்பட்டது. 25 கிலோ வரை எடை கொண்ட பேக்கிங் செய்யப்பட்ட, லேபிள் செய்யப்பட்ட பொருட்களுக்கு 5 சதவீத ஜிஎஸ்டி வசூலிக்கப்படும் என்று அறிவிக்கப்பட்டது. இதனால் வணிகர்களுக்கு நெருக்கடி ஏற்பட்டது. இதன் சுமையை வாடிக்கையாளர்கள் மீது சுமத்த வேண்டிய இக்கட்டான சூழல் உருவானது. குறிப்பாக அரிசி போன்ற பொருட்களின் விலை உயர்த்தப்படுமா என்று பொதுமக்கள் அஞ்சினர்.

அரிசி ஆலைகளிடமிருந்தும் வணிகர்களிடமிருந்தும் மொத்த விலையில் வாங்கும் சில்லறை விற்பனையாளர்கள் இப்போது 30 கிலோ எடை கொண்ட அரிசி பைகளை வாங்கத் தொடங்கியுள்ளனர். ஏனெனில் 30 கிலோ அரிசி பைக்கு ஜிஎஸ்டி கிடையாது. இதன் மூலம் ஜிஎஸ்டி வரி விதிப்பு சுமையிலிருந்து தப்பித்துச் செல்கின்றனர். ஏனெனில், இதன் சுமையை வாடிக்கையாளர்கள் மீது சுமத்த விரும்பவில்லை என்று அவர்கள் கூறுகின்றனர்.

இதற்கு முன்னர் பிராண்டடு அரிசி மூட்டைகளுக்கு மட்டுமே 5 சதவீத வரி விதிக்கப்பட்டது. ஆனால் இப்போது அனைத்து வகை அரிசிகளுக்கும் இது பொருந்தும். எனவே மொத்த விலையில் 30 கிலோ அரிசி மூட்டைகளை வாங்கி அவற்றை பிரித்து வைத்து சில்லறை விலையில் விற்பனை செய்கின்றனர். அரிசின் இந்த வரி விதிப்பு முறை கடும் நெருக்கடியைக் கொடுப்பதாக அரிசி ஆலை கூட்டமைப்பு கவலை தெரிவித்துள்ளது.

மேலும் படிக்க

அதிரடியாக குறைந்தது வர்த்தக சிலிண்டர் விலை!

PF கணக்கில் 40,000 ரூபாய் டெபாசிட்: யாருக்கெல்லாம் கிடைக்கும்?