விவசாயிகளின் வருவாயை இரட்டிப்பாக்க மைக்ரோசாஃப்ட் நிறுவனத்துடன் வேளாண் அமைச்சகம் ஒப்பந்தம்!!

விவசாயிகளின் வருவாயை இரட்டிப்பாக்கும் முயற்சியையொட்டி மாதிரி திட்டத்தைச் செயல்படுத்துவதற்காக மைக்ரோசாஃப்ட் நிறுவனத்துடன் மத்திய வேளாண் அமைச்சகம் ஒப்பந்தம் மேற்கொண்டுள்ளது.

மாதிரித் திட்டம்

நாட்டிலுள்ள விவசாயிகளின் வருமானம் இரட்டிப்பாக்கப்படும் என்று மத்திய பாஜக தலைமையிலான மத்திய அரசு உறுதியளித்திருந்தது. அதன் ஒரு பகுதியாக, விவசாயத்துக்கான உள்ளீட்டுப் பொருள்களுக்கான செலவைக் குறைத்தும் அறுவடைக்குப் பிறகான செலவைக் குறைத்தும் விவசாயிகளின் வருவாயை அதிகரிக்கும் வகையிலான மாதிரி திட்டத்தைச் செயல்படுத்த மத்திய அரசு முடிவெடுத்துள்ளது.

100 கிராமங்களில் செயல்படுத்தப்படும்

அதற்காக மைக்ரோசாஃப்ட் நிறுவனத்துடன் மத்திய வேளாண் அமைச்சகம் ஒப்பந்தம் மேற்கொண்டுள்ளது. அந்த விழாவில் மத்திய வேளாண்துறை அமைச்சா் நரேந்திர சிங் தோமா் பங்கேற்றாா். இந்த மாதிரி திட்டமானது 6 மாநிலங்களில் உள்ள 100 கிராமங்களில் ஓராண்டுக்கு செயல்படுத்தப்படவுள்ளது.

வேளாண் இயந்திரமயமாக்கல்

விழாவில் அமைச்சா் தோமா் கூறுகையில், வேளாண் துறையில் லாபத்தை ஈட்டுவதற்குத் தொழில்நுட்ப வசதிகள் உதவும். இது இளைஞா்களை வேளாண்மை நோக்கி ஈா்க்கவும் வழிவகுக்கும். விவசாயிகளுக்கான நிதியுதவித் திட்டத்தின் கீழ் ஆண்டுதோறும் ரூ.6,000ஐ வெளிப்படையான முறையில் மத்திய அரசு வழங்கி வருகிறது.

மேலும் படிக்க... 

விலை குறைவால், வேதனையுடன் தக்காளியை ஏரியில் கொட்டிய விவசாயிகள்!

தக தகிக்கும் வெயில்! - ஆடு, மாடு கால்நடைகளுக்கும் தண்ணீர் வழங்க அறிவுரை!!