1. செய்திகள்

சோலார் மின் வேலி அமைக்க 50% வரை மானியம் - பயன்பெற அழைப்பு!!

Daisy Rose Mary
Daisy Rose Mary

வன விலங்குகளிடம் இருந்து பயிர்களை பாதுகாக்க சோலர் மின் வேலி அமைக்க 50% மானியம் வழங்கப்படும் என்று பொள்ளாச்சி வேளாண் துறை உதவி செயற்பொறியாளர் பாலகிருஷ்ணகுமார் தெரிவித்துள்ளார்

பொள்ளாச்சி, ஆனைமலை பகுதிகளில், விளை நிலத்தில் யானைகள், காட்டுப்பன்றிகள் உள்ளிட்ட வன விலங்குகளில் ஊடுருவல் அதிகமுள்ளது. வன விலங்குகள் பயிர்களை சேதப்படுத்துவதால், விவசாயிகளுக்கு நஷ்டம் ஏற்படுகிறது. இதை தவிர்க்க, குறைந்த அதிர்வை தரும் மின்வேலி அமைக்கலாம்.சூரிய சக்தியால் இயங்கும் வேலி அமைப்பது நடைமுறையில் உள்ளது. இதற்கு உதவியாக, சோலார் மின்வேலி அமைக்க மானியம் வழங்கும் திட்டத்தை அரசு அறிமுகம் செய்துள்ளது.

வேளாண் பொறியியல் துறை வாயிலாக, இத்திட்டம் செயல்படுத்தப்படுகிறது. திட்டத்தில், அதிகபட்சமாக இரண்டு ஹெக்டேர் அல்லது, 1,245 மீட்டருக்கு வேலி அமைக்கலாம். இதில், ஐந்து வரிசையுள்ள வேலி அமைக்க மீட்டருக்கு உத்தேச செலவாக, 250 ரூபாய் கணக்கிடப்படுகிறது. ஏழு வரிசைக்கு, 350 ரூபாய்; 10 வரிசைக்கு, 450 ரூபாய் கணக்கிடப்பட்டுள்ளது.

இதன் அடிப்படையில், வேலி அமைக்க செலவாகும் தொகையில், 50 சதவீதம் அல்லது, 2.18 லட்சம் ரூபாய் எது குறைவோ அது அதிகபட்ச மானியமாக வழங்கப்படுகிறது. சோலார் மின்வேலி அமைக்க ஆர்வமுள்ள விவசாயிகள், மீன்கரை ரோட்டில் உள்ள வேளாண் பொறியியல் துறையை தொடர்பு கொள்ளலாம், என, உதவி செயற்பொறியாளர் பாலகிருஷ்ணகுமார் தெரிவித்துள்ளார்.

மேலும் படிக்க...

இந்தியர் அனைவருக்கும் கொரோனா தடுப்பூசி இலவசம்! - மத்திய அரசு தகவல்!!

தோட்டக்கலைப் பயிர்களில் நுண்ணீர் பாசனம் அமைக்க மானியம் - விண்ணப்பிக்க அழைப்பு!!

English Summary: Up to 50 Percentage Subsidy to Set Up Solar Fence , Farmers called to get benefit

Like this article?

Hey! I am Daisy Rose Mary. Did you liked this article and have suggestions to improve this article? Mail me your suggestions and feedback.

Share your comments

Latest feeds

More News

CopyRight - 2021 Krishi Jagran Media Group. All Rights Reserved.