தங்கத்திற்கு ரூ.2,500 Cashback - Phonepeயின் அசத்தல் ஆஃபர்!

தங்கம் மற்றும் வெள்ளி வாங்குவோருக்கு சலுகை வழங்கும் திட்டத்தை போன்பே ஆப் அமல்படுத்தியுள்ளது. இதன் மூலம் தங்கம் வாங்கினால் 2,500 ரூபாய் கேஷ்-பேக் வழங்கப்படுகிறது.

பொதுவாக பண்டிகை நாளில் மக்கள் தங்கம், வெள்ளி நகைகள், காசுகள், பாத்திரங்கள் போன்ற பொருட்களை வாங்குவது வழக்கம். இதனைக் கருத்தில்கொண்டு, பண்டிகைகால விற்பனைக்காக சலுகைகளும் தள்ளுபடிகளும் அறிவிக்கப்பட்டுள்ளன.

குறைந்த விலை

கடந்த இரண்டு வாரங்களாக தங்கம் விலை குறைந்துள்ளதும் இப்போது தங்கம் வாங்குவதற்கு நல்ல வாய்ப்பை ஏற்படுத்தியுள்ளது. இந்நிலையில், போன்பே (PhonePe) ஆப் பயனாளர்களுக்கு தங்கம் மற்றும் வெள்ளி வாங்கினால் கேஷ்பேக் சலுகை வழங்கப்படும் என அறிவிக்கப்பட்டுள்ளது.

ரூ.2,500 வரை

அதாவது, போன்பே ஆப் வாயிலாக தங்கம் வாங்கினால் 2500 ரூபாய் வரை கேஷ்பேக் சலுகை பெறலாம். அதேபோல வெள்ளி வாங்கினால் 500 ரூபாய் வரை கேஷ்பேக் சலுகை பெறலாம். டிஜிட்டல் தங்கம், தங்க நாணயங்கள், தங்கக் கட்டிகள், வெள்ளி காசுகள், வெள்ளிக் கட்டிகள் போன்றவற்றை வாங்கினால் இச்சலுகையை பெறலாம்.

போன்பே ஆப் வாயிலாக தங்கம் மற்றும் வெள்ளியை 1000 ரூபாய் அல்லது அதற்கு மேல் வாங்கினால் தள்ளுபடி கிடைக்கும் என போன்பே நிறுவனம் தெரிவித்துள்ளது. போன்பே ஆப் வாயிலாக 24 கேரட் சுத்த தங்கம் மற்றும் 99.99% சுத்தமான வெள்ளியை வாங்க முடியும். இதுமட்டுமல்லாமல், நீங்கள் சேமிக்கும் தங்கம், வெள்ளியை வீட்டுக்கே நேரடியாக டெலிவரியும் பெற்றுக்கொள்ளலாம்.

தங்கம் வாங்குவது எப்படி?

• போன்பே ஆப்பில் Wealth பகுதிக்கு செல்லவும்.

• அதில் தங்கம்/வெள்ளி பிரிவை கிளிக் செய்யவும்.

• அதில் தங்கம் அல்லது வெள்ளியை வாங்கிக்கொள்ளலாம்.

• ரூபாய் அளவிலும் தங்கம் வாங்கலாம். அல்லது கிராம் அளவிலும் தங்கம் வாங்கலாம்.

• பணம் செலுத்தியதும் உங்கள் கணக்கில் தங்கம் அல்லது வெள்ளி சேர்ந்துவிடும்.

மேலும் படிக்க...

அரசு ஊழியர்களுக்கு 10% போனஸ் - தமிழக அரசு அறிவிப்பு!

வட்டியை உயர்த்திய வங்கி- வாடிக்கையாளர்களுக்கு அதிக லாபம்!