மண்வளத்தை அதிகரிக்கும் கார்பன் சேமிப்பு-ஆய்வில் தகவல்!

மரங்களின் பன்முகத்தன்மை கார்பன் சேமிப்பு, காடுகளில் மண் வளத்தை மேம்படுத்துகிறது என ஆய்வில் தெரிய வந்துள்ளது.

காடுகள் மற்றும் வெளிப்புறங்களில் இருக்கும் மரங்களின் பன்முகத்தன்மையைக் காலம் முழுவதும் நிலைநிறுத்துவது கார்பன் சேமிப்பு என்று கூறப்பட்டுள்ளது. அதோடு, கார்பன் பிடிப்பை அதிகரிக்கவும், காலநிலை மாற்றத்தைத் தடுக்கவும் உதவும் பல்வேறு முயற்சிகளை எடுக்க வேண்டும் என ஆல்பர்ட்டா பல்கலைக்கழகத்தின் சமீபத்திய ஆராய்ச்சி கண்டறிந்துள்ளது.

மண்ணில் கார்பன் மற்றும் நைட்ரஜனைச் சேமித்து வைப்பதன் அடிப்படையில், மரங்களின் பன்முகத்தன்மையின் நீடித்த நன்மைகளை ஒரு பெரிய இடம் சார்ந்த அளவில் காட்டுவது இதுவே முதல் முறை என்று கூறப்படுகிறது. இது காடுகளில் பல்லுயிர் பாதுகாப்பின் முக்கியத்துவத்தை வலுப்படுத்துகிறது என்று கட்டுரையின் முதன்மை ஆசிரியரும், வேளாண்மை, வாழ்க்கை மற்றும் சுற்றுச்சூழல் அறிவியல் துறையின் முதுகலை ஆசிரியருமான ஜின்லி சென் கூறுயிருக்கிறார்.

"மரங்களின் பன்முகத்தன்மையைப் பாதுகாப்பது காலநிலை மாற்றத்தைத் தணிப்பதில் ஒரு மதிப்புமிக்க கருவியாகும் என்றும், அதிலும் குறிப்பாக மண்ணில் கார்பன் சேமிப்பை அதிகரிப்பதில்" என்றும் அவர் கூறியிருக்கிறார்.

மண்ணின் கார்பன் மற்றும் நைட்ரஜன் சேமிப்பை அதிகரிப்பது காலநிலை மாற்றத்தின் விளைவுகளை எளிதாக்குவதற்கும் மண்ணின் வளத்தை நிலைநிறுத்துவதற்கு உதவும் என்று முன்னரே நிறுவப்பட்ட நிலையில், காட்டுத் தீ, காடழிப்பு மற்றும் நில பயன்பாட்டு மாற்றம் போன்ற காரணங்களால் இரண்டு தனிமங்களின் இருப்பு உலக அளவில் கணிசமாகக் குறைந்துள்ளது எனத் தற்பொழுது ஆய்வில் தெரிவிக்கப்பட்டுள்ளது. காடுகளில் மரங்களின் பன்முகத்தன்மையை பாதுகாத்தல் மற்றும் ஊக்குவித்தல் மண்ணின் கார்பன் மற்றும் நைட்ரஜன் அளவை அதிகரிக்க உதவும்.

ஆராய்ச்சியாளர்கள் கனடாவின் தேசிய வன சரக்கு தரவுத்தளத்தை ஆய்வு செய்து, 10 ஆண்டுகள் அல்லது அதற்கும் அதிகமான கால அளவைக் கொண்ட இயற்கை வன சுற்றுச்சூழல் அமைப்புகளில் அதிக மரங்களின் பன்முகத்தன்மை மற்றும் அதிக மண் கார்பன் மற்றும் நைட்ரஜன் குவிப்பு ஆகியவற்றுக்கு இடையேயான தொடர்பைப் பற்றிய புதிய ஆதாரங்களை வழங்க புள்ளிவிவர மாதிரியைப் பயன்படுத்தினர்.

கனடா, ஜப்பான் மற்றும் அமெரிக்காவைச் சேர்ந்த விஞ்ஞானிகளுடன் இணைந்து செய்யப்பட்ட இந்த ஆய்வு, முந்தைய சோதனைகளின் கூட்டு கண்டுபிடிப்புகளை உறுதிப்படுத்துகிறது. குறிப்பாக, நீண்ட காலமாக, இயற்கை காடுகளில் உள்ள மர இனங்களின் எண்ணிக்கையானது, கரிம மண் அடுக்கில் கார்பன் மற்றும் நைட்ரஜனை முறையே 30 மற்றும் 43 சதவிகிதம் அதிகரிக்கும் என்று ஆராய்ச்சி வெளிப்படுத்தியுள்ளது.

அதனுடன் கைகோர்த்து, இலை நைட்ரஜன் உள்ளடக்கம் மற்றும் ஒரு சமூகத்தில் உள்ள பல்வேறு மர இனங்களின் வயதுவந்த உயரம் போன்ற பல்வேறு செயல்பாட்டு பண்புகளை அதிகரிப்பதன் மூலம் மேல் கனிம மண் அடுக்கில் கார்பன் மற்றும் நைட்ரஜன் சேமிப்பை 32 மற்றும் 50 சதவீதம் அதிகரிக்கலாம் எனக் கூறப்பட்டுள்ளது.

மேலும் படிக்க

தோட்டக்கலை பயிர்கள் வளர்ப்பில் சாதனைப் படைக்கும் தமிழகம்!

தமிழக உப்பள தொழிலாளர்களுக்குத் தனி நல வாரியம் தொடக்கம்!