இந்த மாத சம்பளத்தில் ரூ.8,000 உயரும்- மத்திய அரசு ஊழியர்களுக்கு ஹேப்பி நியூஸ்!

மத்திய அரசு ஊழியர்களுக்கான சம்பளம் இந்த மாதம் சுமார்  8000 ரூபாய் வரை உயர்த்தப்படக்கூடும் என்று அரசு வட்டாரங்கள் தெரிவிக்கின்றன.  எனவே ஊழியர்கள் இந்தத் தொகையை செலவிடுவதற்காக இப்போதேத் திட்டமிடலாம்.

இருமுறை உயர்வு

மத்திய அரசு ஊழியர்களின் அகவிலைப்படி ஆண்டுக்கு இருமுறை மாற்றியமைக்கப்படும். ஜனவரி மாதத்தில் ஒரு முறையும் ஜூலை மாதத்தில் ஒரு முறையும் திருத்தப்படும். பணவீக்கத்தைப் பொறுத்து இதில் மாற்றம் இருக்கும். பொதுவாகவே ஒவ்வொரு ஆண்டும் அகவிலைப்படி கணிசமான அளவில் உயர்த்தப்பட்டு வருகிறது. ஆனால் கொரோனா சமயத்தில் உயர்த்தப்படவில்லை.

கொரோனா பிரச்சினை முடிந்து தற்போது இயல்பு நிலை திரும்பியுள்ள நிலையில் அகவிலைப்படி உயர்வை மத்திய அரசு ஊழியர்கள் எதிர்பார்க்கின்றனர். சென்ற மார்ச் மாதத்தில் அரசு ஊழியர்களுக்கான அகவிலைப்படி 34 சதவீதமாக உயர்த்தப்பட்டது. அடுத்ததாக இந்த ஜூலை மாதத்தில் அகவிலைப்படி மேலும் உயர்த்தப்படும் என்று எதிர்பார்க்கப்படுகிறது.

5 சதவீதம்

இந்த முறை அகவிலைப்படி 4 சதவீதம் அல்லது 5 சதவீதம் உயரலாம் என்று கூறப்படுகிறது. ஏப்ரல் - மே மாதங்களுக்கான நுகர்வோர் விலைக் குறியீட்டின் புள்ளி விவரங்களைப் பொறுத்து அகவிலைப்படி உயர்வு இருக்கும். ஒருவேளை 5 சதவீத உயர்வு இருந்தால் ஊழியர்களின் அகவிலைப்படி 39 சதவீதமாக உயரும்.

ஃபிட்மெண்ட் காரணி

அகவிலைப்படியானது ஃபிட்மெண்ட் காரணி வாயிலாகக் கணக்கிடப்படுகிறது. ஃபிட்மெண்ட் காரணியை உயர்த்தினாலே அரசு ஊழியர்களின் சம்பளமும் அதிரடியாக உயரும். தற்போதைய நிலையில் ஃபிட்மெண்ட் காரணி 2.57 சதவீதமாக இருக்கிறது. அது 3.68 சதவீதமாக உயர்த்தப்பட வாய்ப்பு உள்ளது.

ரூ.8,000 வரை

மத்திய அரசு ஊழியர்களுக்கான குறைந்தபட்ச சம்பளம் தற்போது 18,000 ரூபாயாக உள்ளது. ஒருவேளை ஃபிட்மெண்ட் காரணி உயர்த்தப்பட்டால் குறைந்தபட்ச சம்பளம் 26,000 ரூபாயாக அதிகரிக்கும். அதாவது 8000 ரூபாய் வரையில் ஊழியர்களுக்கு சம்பள உயர்வு கிடைக்கும். இன்னும் ஒருசில தினங்களில் இதுகுறித்து அதிகாரப்பூர்வ அறிவிப்பு வெளியாகும் எனத் தெரிகிறது.

மேலும் படிக்க...

33 மாத சம்பளம் ரூ.24 லட்சத்தை திருப்பிக்கெடுத்த மனசாட்சியுள்ள ஆசிரியர்!

அடுத்த வாரம் குறைகிறது சமையல் எண்ணெய் விலை!