Krishi Jagran Tamil
Menu Close Menu

6 மாவட்டங்களில் கனமழைக்கு வாய்ப்பு: வானிலை ஆய்வு மையம் தகவல்

Wednesday, 18 September 2019 10:56 AM
Thundershower In 6 districts of Northern Tamil Nadu

தமிழகம் மற்றும் புதுவையில் பெரும்பாலான இடங்களில் பரவலாக மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

தொடரும் வெப்பச்சலனம் மற்றும் வளி மண்டல மேலடுக்கு சுழற்சி காரணமாக தமிழகத்தில் பெரும்பாலான இடங்களில் அநேக பகுதிகளில் தொடர்ந்து லேசானது முதல் இடியுடன் கூடிய கனமழை பெய்து வருகிறது, இதன் காரணமாக பல்வேறு பகுதிகளில் நிலத்தடி நீர் மட்டமும் அணைகளின் நீர் மட்டமும் உயர்ந்து வருவதால் விவசாயிகளும், பொதுமக்களும் பெரும் மகிழ்ச்சியில் உள்ளனர்.

கனமழைக்கு வாய்ப்பு

வெப்பச்சலனம் மற்றும் மேற்கு மத்திய வங்கக் கடல் மற்றும் ஆந்திர கடலோர பகுதிகளில் நிலவி வரும் வளி மண்டல மேலடுக்கு சுழற்சி காரணமாக தமிழகத்தில் பெரும்பாலான மாவட்டங்களில் பரவலாக மழை பெய்ய வாய்ப்புள்ளது, குறிப்பாக வட தமிழகத்தில் 6 மாவட்டங்களில் இடியுடன் கூடிய கனமழை பெய்யக்கூடும் என தெரிவிக்கப்பட்டுள்ளது.

திருவள்ளூர், காஞ்சிபுரம், தருமபுரி, கிருஷ்ணகிரி, வேலூர் மற்றும் சேலம் மாவட்டங்களில் இடியுடன் கூடிய கனமழை பெய்ய வாய்ப்புள்ளது என்றும், புதுவையில் லேசானது முதல் மிதமான மழை பெய்ய வாய்ப்புள்ளது என்றும் சென்னை வானிலை ஆய்வு மையம் தெரிவித்துள்ளது.

தமிழகத்தில் தொடர்ந்து மழை

தொடர்ந்து மழை

ஓசூரில் பெய்த மழையால் பொதுமக்கள் மற்றும் விவசாயிகள் மகிழ்ச்சியில் உள்ளனர். ஒரு மணி நேரம் நீடித்த மழையால் சாலைகளில் மழை நீர் தேங்கியது மற்றும் பழைய நகராட்சி அலுவலகத்தின் முன்பு மழை நீர் தேங்கியது.

சீர்காழியில் கடந்த சில நாட்களாக அனல் காற்று வீசிய நிலையில் திடீரென பெய்த மழையால் வெப்பம் தணிந்து குளிச்சி நிலவியது. கொள்ளிடம், வைத்தீஸ்வரன் கோவில் உள்ளிட்ட இடங்களில் மழை வெளுத்து வாங்கியது. கடலூர் மாவட்டம் விருதாச்சலம் மற்றும் அதன் சுற்று வட்டார பகுதிகளில் இரவில் விட்டு விட்டு பெய்த மழையால் குளிர்ச்சி நிலவியது.

விழுப்புரம் மற்றும் அதன் சுற்றுவட்டார பகுதிகளில் கனமழை பெய்தது இதன் காரணமாக நகரின் தாழ்வான பகுதிகளில் மழை நீர் தேங்கியது.  புதுச்சேரியில் சுமார் இரண்டு மணி நேரத்திற்கும் மேலாக பலத்த மழை பெய்ததால், சாலைகளில் தண்ணீர் பெருக்கெடுத்து ஓடின.

K.Sakthipriya
Krishi Jagran 

Thundershower 6 districts Northern Tamil Nadu Heavy Rain Tamil Nadu Pondicherry Thunder shower
English Summary: Thundershower In 6 districts of Northern Tamil Nadu: Heavy Rain expected in Many parts of Tamil Nadu and Pondicherry

Share your comments


Krishi Jagran Tamil Magazine Subscription Online Subscription


Monsoon 2020 update on Krishi Jagran Tamil Help App

Latest Stories

  1. குறைந்த முதலீடு - நிறைந்த வருமானம் - சிறு சிறு தொழில் செய்யலாம் வாங்க!!
  2. காதி அகர்பத்தி சுயசார்பு இயக்கம் மூலம் ஏழை மக்களுக்கு வேலைவாய்ப்பு - மத்திய அரசு திட்டம்!!
  3. வெறும் 12 ரூபாயில், ரூ.2 லட்சத்திற்கான விபத்துக் காப்பீடு பெற விருப்பமா? - விபரம் உள்ளே!
  4. கால்நடைகளுக்கான அவசர முதலுதவி சிகிச்சை முறைகள்!
  5. ரூ.10 லட்சம் வரை மானியம் வழங்கும் தமிழக அரசின் திட்டம் - மானாவாரி விவசாயிகளுக்கு அழைப்பு!
  6. ஹெக்டேருக்கு ரூ.2,500 வழங்கும் தமிழக அரசின் திட்டம் -பெறுவதற்கான வழிமுறைகைள்!
  7. வங்கக்கடலில் குறைந்த காற்றழுத்த தாழ்வுப் பகுதி நாளை உருவாக வாய்ப்பு - வானிலை மையம்!!
  8. மத்திய அரசின் தங்கமான தங்க சேமிப்பு பத்திரம் - வெளியீடு இன்று தொடங்குகிறது!
  9. மண்பாண்டங்களின் மகத்துவங்கள்!- மனம் திரும்பினால் ஆரோக்கியம் உங்கள் கையில்
  10. 10000 விவசாய உற்பத்தியாளர் அமைப்புகளை உருவாக்க திட்டம் - மத்திய அரசு!!

CopyRight - 2020 Krishi Jagran Media Group. All Rights Reserved.