சிறுக சிறுக சேமித்த சில்லறை-அள்ளிக் கொடுத்து Bike வாங்கிய இளைஞர்!

பைக் வாங்குவதற்காக இரண்டரை லட்சம் ரூபாய் மொத்தத்தையும் ஒரு ரூபாய் நாணயங்களாகவே வாடிக்கையாளர் வழங்கியது, ஷோரூம் ஊழியர்களை அதிர்ச்சியில் ஆழ்த்தியது. 

கார், பைக் போன்றவற்றை ஷோரூம் சென்று, நமக்குப் பிடித்த மாடல் மற்றும் கலரைத் தேர்வு செய்து வாங்குவது வாடிக்கை. அதற்கான முன்பதிவுத் தொகை, ரொக்கமாகவோ, செக்காகவோ அளிப்பது வழக்கம். 

ஆனால் இங்கு பைக் வாங்க வந்த ஒருவர், தாம் செலுத்த வேண்டியத் தொகையைச் சில்லறையாக வழங்கினார். அதுவும் ரூபாய் நோட்டுகளால் அல்ல. ஒரு ரூபாய் நாணயங்களாக. நம்பமுடியவில்லை? இல்லை, நம்பித்தான் ஆக வேண்டும்.

சேலம் மாவட்டம் அம்மாபேட்டையில் உள்ள பைக் ஷோரும் ஒன்றில் பூபதி என்ற இளைஞர் பைக் வாங்குவதற்காக சென்றுள்ளார். தனக்கு பிடித்த மாடல் பைக்கை அவர் பதிவு செய்துவிட்டு அதற்கான பணத்தை கொடுத்த போது, ஷோரும் ஊழியர்கள் அனைவரும் அதிர்ச்சி அடைந்தனர். ஏனெனில் இரண்டரை லட்சம் ரூபாய் மொத்தத்தையும் ஒரு ரூபாய் நாணயங்களாகவே அவர் கொண்டு வந்திருந்தார்.

ஏனெனில் Bike வாங்க வேண்டும் என்பது இவரது சிறுவயது ஆசை. அதனால் சிறுவயதில் இருந்து சிறுகச் சிறுகச் சேமித்து வைத்தச் சில்லறைக் காசுகளையேக் கொண்டுவந்ததாகக் கூறுகிறார். 

இதையடுத்து பூபதி, அவரது நண்பர்கள், ஷோரும் ஊழியர்கள் இணைந்து பல மணி நேரங்களாக அத்தனை நாணயங்களையும் எண்ணி முடித்தனர். இதன் பிறகு பூபதி தனது புதிய பைக்கை வாங்கிச் சென்றுள்ளார்.இப்படியும் மனிதர்கள் இருக்கிறார்களே!

மேலும் படிக்க...

பெண்கள் இளம்வயதில் பூப்படைவதற்கு பிராய்லர் கோழி காரணமல்ல!

கெட்டக் கொழுப்பைக் கரைக்க வேண்டுமா? இது ஒன்றே போதும்!