Krishi Jagran Tamil
Menu Close Menu

மரச்செக்கு எண்ணெய்த் தயாரிப்பில் அசத்தல் லாபம் பெரும் விவசாயி செல்வம்!

Thursday, 28 January 2021 07:17 PM , by: KJ Staff

Credit : Dinamalar

இயற்கை முறையைப் பின்பற்றி தயாரிக்கப்படும் அனைத்துமே மக்களிடையே அமோக வரவேற்பை பெறுவது உறுதி. அந்த வகையில், நாட்டு மரச்செக்கு எண்ணெய்த் தயாரிப்பில் சிலர் கால்தடம் பதித்து சத்தமில்லாமல் வளர்ந்து வருகின்றனர். கடைகளில் கிடைக்கும் எண்ணெயை விட மரச்செக்கு எண்ணெய் உடல் ஆரோக்கியத்திற்கு மிகவும் நல்லது.

பாரம்பரிய விவசாயம்:

சாயக்கழிவால் அழிந்த நொய்யல் ஆற்றால், விவசாயம் அழிந்த நிலையில், நாட்டு மரச்செக்கு எண்ணெய் (Wood oil) உற்பத்தியால் மீண்டு எழுந்துள்ளார்கள் கரூர் மாவட்டம் விவசாயிகள். கரூர் மாவட்டத்தைச் சேர்ந்த விவசாயி செல்வம், பாரம்பரியமாக விவசாயம் செய்து வருகிறார். 10 ஏக்கர் நிலத்தில், நொய்யல் ஆற்று பாசன நீரில் அருமையான விளைச்சலை எடுத்தார். இங்கு பயிரிடப்படும் கரும்பு நல்ல திரட்சியாக, சர்க்கரை சத்து அதிகமாக இருக்கும். பள்ளி படிப்பை முடித்ததும், 18 வயதிலேயே விவசாயம் பார்க்க வந்துவிட்டார். நல்ல வளமான மண் என்பதால், கரும்பையும், நெல்லையும் மாறி, மாறி விளைவித்து இலாபம் கண்டவர். இப்படியே இருந்த நிலையில், 15 ஆண்டுகளுக்கு முன், நொய்யல் ஆற்றில், சாயப்பட்டறை கழிவுகள் கலந்து, அந்த கழிவு நீர், விவசாய நிலத்தில் ஏறி, விவசாயம் தீர்ந்து போய் விட்டது. பலர் மாற்று விவசாயத்துக்கு மாறினார்கள். ஆனால் இவர் மட்டும் தென்னை மரக்கன்றுகளை வளர்த்து வந்தார். அதுவும் பட்டு போனது.

மரச்செக்கு எண்ணெய்

மகனின் யோசனையால், செக்கு போட ஏற்பாடு செய்து, புதிதாக செக்கு அடிக்க முடியாது என்பதால், பழைய செக்கு கல்லை தேடி அலைந்து, நாமக்கல் பக்கம் இந்த செக்கை கண்டுபிடித்து, 30 ஆயிரம் ரூபாய் கொடுத்து வாங்கி வந்து, அதன் மீது ஆட, உலக்கையை புதிதாக செய்தார். இயந்திரத்தை (Machine) வைத்து ஆட்டி எடுக்கும் எண்ணெய், சூடாகி விடும். அதனால், மாட்டை வைத்து ஓட்டி எடுக்கும் எண்ணெய் தான் நல்ல சுவை, மணத்துடன் இருக்கும் என்பதால், அனைத்தையும் செய்து முடிக்க, 6 - 7 லட்ச ரூபாய் செலவு செய்து, பாரம்பரிய முறைப்படி எண்ணெய் ஆட்டி, நல்லெண்ணெய், கடலை எண்ணெய், தேங்காய் எண்ணெய் (Coconut Oil) பிழிந்து எடுத்தார்.

துவக்கத்தில் எங்கள் எண்ணெயை யாரும் கண்டுகொள்ளவில்லை. இயற்கை ஆர்வலர்கள், விவசாயிகளுக்கு விற்று, அவர்கள் மூலம், கொஞ்சம் கொஞ்சமாக எங்கள் எண்ணெய் விற்பனைக்கு வந்தது. இப்போது, லண்டன், வளைகுடா நாடுகள் என, பல இடங்களுக்கும் ஏற்றுமதி (Export) செய்கிறோம்.
முழுதும் மாடு ஓட்டி, நிதானமாக பிழிந்து, வெயிலில் வைத்து, பதமாக தயாரிக்கப்படும் தரமான எண்ணெய் தான். இதற்காக, தமிழக அரசிடம் சான்றிதழ் (Certificate) பெற்றுள்ளோம். சாயப்பட்டறை கழிவுகளால் அழிந்த விவசாயத்திற்கு மாற்றாக, மகன் கொடுத்த யோசனையில், இப்போது தலை நிமிர்ந்து நிற்கிறார் விவசாயி செல்வம்.

Krishi Jagran
ரா.வ. பாலகிருஷ்ணன்

மேலும் படிக்க

வெள்ளத்திலும் தாக்குப்பிடித்த மாப்பிள்ளை சம்பா! இயற்கை விவசாயிக்கு குவியும் பாராட்டு!

wood oil production Extraordinary profit விவசாயி செல்வம் அசத்தல் லாபம் மரச்செக்கு எண்ணெய்
English Summary: Extraordinary profit in wood oil production Great farmer wealth!

எங்களுக்கு ஆதரவளியுங்கள்!

அன்பான நேயர்களே, கிருஷி ஜாக்ரன் வாசகராகத் தொடர்ந்து இருப்பதற்கு நன்றி. உங்களைப் போன்ற வாசகர்களால் தான் வேளாண் பத்திரிக்கைத் துறை முன்னேறி வருகிறது. கிருஷி ஜாக்ரன் பத்திரிக்கையை உயர்ந்த தரத்தில் தொடர்ந்து வழங்குவதற்கும் கிராமப்புற இந்தியாவின் ஒவ்வொரு மூலையிலும் உள்ள விவசாயிகளையும் மக்களையும் சென்றடைய உங்களின் மேலான ஆதரவு கோருகிறோம்.

உங்களின் சிறு பங்களிப்பு கூட வேளாண் துறையை மாற்றியமைக்கும்....

பங்களிப்பு செய்யுங்கள் (Contribute Now)

Share your comments


Krishi Jagran Tamil Magazine Subscription Online Subscription


Latest Stories

  1. 10 ரூபாயில் சூப்பர் திட்டம்! அரசு ஊழியர் அல்லாதவர்களும் பென்ஷன் பெற வாய்ப்பு!
  2. திருப்பூர் மாவட்டத்தில் 4 இடங்களில் நேரடி நெல் கொள்முதல் நிலையம்
  3. தென்னையில் ஊடுபயிராக சணப்பை சாகுபடி! மண்வளம் பெருகி மகசூல் அதிகரிக்கும்!
  4. அரசு பள்ளி ஆசிரியர் விளைவித்த பாரம்பரிய நெல்லை அறுவடை செய்த வேளாண் கல்லுாரி மாணவியர்கள்
  5. கோடைகாலப் பால் உற்பத்தி பாதிப்பு- தடுக்க என்ன செய்யலாம்?
  6. சரிந்தது சின்ன வெங்காயத்தின் விலை -மேலும் குறைய வாய்ப்பு!
  7. PAN மற்றும்-Aadhaar அட்டையை இணைக்கத் தவறினால், ரூ.10,000 அபராதம்!
  8. இயற்கை விவசாயத்திற்கு மானியம்-விண்ணப்பிக்க அழைப்பு!
  9. Free Cooking Gas: ஒரு கோடி ஏழைகளுக்கு இலவச சமையல் சிலிண்டர்- உடனே விண்ணப்பியுங்கள் !
  10. தனிநபர் சேமிப்பை மையப்படுத்தும் எல்ஐசியின் "பீமா ஜோதி" பாலிசி அறிமுகம்!!

CopyRight - 2021 Krishi Jagran Media Group. All Rights Reserved.