Krishi Jagran Tamil
Menu Close Menu

#FarmertheBrand: மண்ணை பொன்னாக்கும் புதுக்கோட்டைப் பெண்மணி!

Sunday, 12 July 2020 02:00 PM , by: Daisy Rose Mary
vermicompost

ரசாயண உரம், மரபணுமாற்றம் செய்யப்பட்ட விதைகள் என வளர்ந்து கெட்டுவிட்ட இந்த உலகில், இயற்கை முறையில் மண்புழு உரம் தயாரித்து இயற்கையோடு இணைந்த வளவான வாழ்க்கை வாழ கற்றுக்கொடுகிறார் இந்த இயற்கை விரும்பி மனோன்மணி. எளிய முறையில் மண்புழு உரம் மற்றும் உளுந்து தானிய விதைகள் தயாரித்து அசத்தி வருகிறார்.

புதுக்கோட்டை மாவட்டம், ஆலங்குடி தாலுகா வடகாடு கிராமத்தைச் சேர்ந்தவர் 'மனோன்மணி' (manonmani) இயற்கை விவசாயியான இவர், கிருஷி ஜாக்ரன் தமிழ்நாடு இணையதள ஃபேஸ்புக் (Facebook) பக்கத்தின் மூலமாக நடைபெற்ற ''Farmer the Brand'' நிகழ்ச்சியில் கலந்துகொண்டார். வீடியோவைக் காண இங்கே கிளிக் செய்யவும். 

மண்புழு உரம் (Vermicompost)

திடக்கழிவு மேலாண்மையில் முக்கிய பங்கு வகிக்கிறது இந்த மண்புழு உரம் (vermicompost). இயற்கையில் கிடைக்கும் விவசாயக் கழிவுப் பொருள்களான சாணம், இலை, தழை போன்றவற்றை உள்கொண்டு எச்சங்களை சிறுசிறு உருண்டைகளாக மண்புழுக்கள் வெளியேற்று வதையே மண்புழு உரம் என்கிறோம். இதில் தழைச்சத்து, மணிச்சத்து, சாம்பல்சத்து ஆகிய அத்தனையும் இருக்கிறது. இந்த மண்புழு உரம் 45 முதல் 60 நாளில் உற்பத்தியாகிவிடும் என்கிறார் மனோன்மணி.

இந்தியாவில் உள்ள பலவகையான மண்புழுக்களில் ''சிவப்பு ஊர்ந்தி'' (Red wigglers (Eisenia fetida or Eisenia andrei) எனப்படும் மண்புழு இனங்களே உரம் தயாரிக்கப் பயன்படுத்துவதாகவும், ஒரு வெட்டு பெட் தயாரிக்க 1200 கிலோ ஆடு மற்றும் மாட்டு சானம் ஆகியவற்றை மேலாண்மை முறையில் மக்க வைக்க வேண்டும். பின் 2 கிலோ மண் புழுவை போட வேண்டும்.

மண்புழு உரம் தயாரிக்கும் முறை

  • மண்புழு உரம் தயாரிக்க, இடவசதிக்கு ஏற்ப தொட்டி போன்ற அமைப்பை ஏற்படுத்த வேண்டும்.

  • முதலில் தொட்டியின் அடியில் கூழாங்கற்களை பரப்பி அதற்கு மேல் மணலை பரப்பி பின்னர் பண்ணைக் கழிவுகளை நிரப்ப வேண்டும்.

  • அந்த குழியில் தென்னைநார் கழிவை கொட்டி, அதன் மீது "கரும்புக்கூழ் கழிவு' கழிவைத் தூவ வேண்டும்.

  • அடுத்ததாக, நன்கு காய்ந்த எரு பொடியை பரப்பி அதன் மீது ஈரமான சாணத்தை கொட்டி அதில் மண் புழுக்களை விடவேண்டும்.

  • சாணத்தை உணவாக எடுத்துக் கொண்ட மண்புழுக்கள் வெளியேற்றும் கழிவுகள் உரமாக கிடைக்கும்.

  • பண்ணையில் சேரும் கழிவுகளை, அடுத்ததடுத்த தொட்டிகளில் நிரப்பி சேகரித்து பயிர்களுக்கு இடலாம்.

மண்புழு உரத்தின் நன்மைகள் (Benefits of earthworm fertilizer)

இன்றைய காலத்தில், அதிக விளைச்சல் வேண்டி பெரும்பாலானோர் மரபணு மாற்றப்பட்ட விதைகள் மற்றும் ரசாயன உரங்களை அதிகம் பயன்படுத்தி வருகின்றனர். இதனால், வேகமாக வளரும் பயிர்கள் விஷத் தன்மையுடன் வளர்கிறது. இதை சாப்பிடும் மனிதர்கள் விலங்குகள் பலதரப்பட்ட நோய்களுக்கு ஆளாகி இறப்பும் நேர்கிறது.

இயற்கையோடு இணைந்த இந்த மண்புழு உரம், பயிர்களுக்கு தேவையான நுண் சத்துகளை வழங்கி ஆரோக்கியமுடன் வளரச் செய்கிறது. இந்த பயிர்கள் ஆர்கானிக் பயிர்கள் என அழைக்கப்பட்டு, சற்று அதிக விலையிலும் விற்பனை செய்யப்பட்டு வருகிறது.

உரம் விற்பனை மற்றும் செய்முறை பயிற்சி (Fertilizer sales and recipe training)

விவசாயிகளும் கொஞ்சம் கொஞ்சமாக இயற்கை முறைக்கு திரும்பி வருவதாக கூறும் மனோன்மணி, ஒரு கிலோ மண் புழு உரம் 7 ரூபாய்க்கும் ஒரு டன் மண்புழு உரம் 7000 ரூபாய்க்கும் விற்பனை செய்யப்படுவதாக தெரிவித்தார். 1500 ரூபாய்க்கு விற்பனை செய்யப்படும் தொழு உரத்தை விட, இந்த மண்புழு உரம் மண்ணில் சேர்க்கப்படும் போது மண்ணின் வளம் அதிகரிக்கிறது, இதனால் உர அளவின் பயன்பாடு குறைகிறது, இது விவசாயிக்கு குறைந்த செலவுக்கு வழிவகுக்கிறது என்றார். 

உள்ளூர் விவசாயிகள் முதல் வெளி மாவட்ட, மாநில விவசாயிகள் என பலதரப்பட்டோரும் தன்னிடமிருந்து உரம் வாங்கிச் செல்வதாகவும், தன் 20 வருட அனுபவத்தைக் கொண்டு உள்ளூர் விவசாயிகளுக்கு எளிய முறையில் சிறு அளவிலான உரத் தயாரிப்பு செய்முறை பயிற்சி அளித்துவருவதாகவும் அவர் தெரிவித்தார்.

 

விதை உளுந்து

உளுந்து விதை உற்பத்தி (Black Gram production)

வம்பன் 6 மற்றும் வம்பன் 8 ரக உளுந்து விதை உற்பத்தி மற்றும், தானிய விதைகளையும் உற்பத்தி செய்து வருகிறார். உளுந்து விதை - 100 ரூபாய்க்கும், தானிய விதைகள் 70 ரூபாய்க்கும் விற்பனை செய்து வருவதாகவும் மனோன்மணி தெரிவித்தார்.
சிறுவிவசாயிகள், ஏழை எளிய மகளிர்கள் இந்த உர உற்பத்தி தொழில் செய்து பயனடையலாம் என்றும், நிலம், இடம் இல்லாதவர்களும் தங்கள் வீட்டு மாடிகளில் உரத் தோட்டம் அமைத்து உரம் தயாரிக்கலாம் என்றும் அவர் தெரிவித்தார்.

மனோன்மணியின் விவசாய சேவையை பாராட்டி அவருக்கு சிறந்த மாவட்ட இயற்கை விவசாயி விருது வழங்கப்பட்டுள்ளது, இதேபோல், அப்துல் கலாம் விருது, உழவன் விருது, உளுந்து உற்பத்தியில் அதிக மகசூல் விருது உள்ளிட்ட பல்வேறு விருதுகளும் வழங்கப்பட்டுள்ளது. 

related link... 

தித்திக்கும் தேன் உற்பத்தி & விற்பனையில் கலக்கும் ஈரோடு தம்பதி!

சிறுதானியங்களை சீவல்-ஆக மாற்றி விற்பனையில் அசத்தும் ஈரோடு ராஜமணிக்கம்!

 

மண்புழு உரம் Vermicompost Uses of Vermicompost Vermicompost Business Vermicompost preparation உளுந்து விதை
English Summary: Valuable added fertilizers from earthworm fertilizer! - Pudukottai woman Manonmani making the Golden soil

Share your comments


Krishi Jagran Tamil Magazine Subscription Online Subscription


Monsoon 2020 update on Krishi Jagran Tamil Help App

Latest Stories

  1. தமிழ்நாடு வேளாண்மைப் பல்கலைக்கழகத்தின் பஞ்சகவ்யா விற்பனைக்கு! விவசாயிகள் கவனத்திற்கு!
  2. தரமான காய்கறி விதைகள் உற்பத்திக்கு மானியம் - தோட்டக்கலைத் துறை!!
  3. PMFBY: நெல்லுக்குப் பயிர் காப்பீடு செய்ய ஆகஸ்ட் 16ம் தேதி கடைசிநாள் - வேளாண்துறை அறிவுறுத்தல்!
  4. SSY:மாதம் 3000 முதலீட்டில் 17 லட்சம் ஈட்டும் மத்திய அரசின் திட்டம்! தெரியுமா உங்களுக்கு!
  5. ''வேளாண் வல்லுநர் அமைப்பு'' வழங்கும் - பயிர்களுக்கான ''ஆப்'' தொகுப்பு!!
  6. இயற்கை முறையில் காய்கறி சாகுபடி செய்வோர் ஊக்கத்தொகை பெற விண்ணப்பிக்கலாம் - தமிழக அரசு அழைப்பு!
  7. பசுந்தீவன விதைகளுக்கு முழு மானியம் பெற விண்ணப்பங்கள் வரவேற்பு - கால்நடை துறை
  8. கொட்டித் தீர்க்கும் பருவமழையால், கிடுகிடுவென நிரம்பும் அணைகள்- கரையோர மக்களுக்கு காத்திருக்கிறது அபாயம்!
  9. UYEGP : 5% முதலீடு செய்தால் போதும்! அரசின் 25 % மானியத்துடன் நீங்களும் முதலாளி ஆகலாம்!
  10. விலங்குகளைக் காப்பாற்றுவதற்கான முயற்சிகள் எடுப்பதில் அரசு உறுதி - பிரகாஷ் ஜவடேகர்

CopyRight - 2020 Krishi Jagran Media Group. All Rights Reserved.