ஜூலை மாதத்தில் வெள்ளரி சாகுபடி: முழு விவரம்.

இரகங்கள்:

ஜப்பானி லாங் கிரின், கோ.1, ஸ்ரோயிட் எய்ட், பாயின்செட்டி ஆகியவை சிறந்த இரகங்களாகும்.

மண்:

இதைக் களிமண், வண்டல் மண் வரை அனைத்து வகையான நிலங்களிலும் சாகுபடி செய்யலாம். மிதமான வெப்பமும், காற்றில் அதிக ஈரப்பதமும் இதன் வளர்ச்சிக்கு சிறந்தது. சிறந்த மகசூலுக்கு கார அமிலத்தன்மை 6.5-7.5 இருக்க வேண்டும்.

பருவம்:

கோடைக்காலத்தில், பிப்ரவரி - மார்ச் மாதங்களிலும் மழைக்காலத்தில் ஜூலை மாதங்களிலும் பயிரிடலாம்.

நிலம் தயாரித்தல்

நிலத்தை நன்கு உழுது, 60 செ.மீ அகலத்தில் 1.50 மீட்டர் இடைவெளியில் வாய்க்கால் அமைத்து, வாய்க்கால்களில் 45 செ.மீ நீளம், ஆழமுடைய குழிகள் எடுக்கவேண்டும். பின்பு குழிகளில் மண்ணுடன் 10 கிலோ நன்கு மக்கிய தொழு எரு, கலப்பு உரம் 100 கிராம் மற்றும் இட்டு நீர்ப் பாயச்சவேண்டும்.

விதையும் விதைப்பும்

ஒரு எக்டருக்கு 2.5 கிலோ விதை-ஒரு கிலோ விதைக்கு, டைக்கோடெர்மா விரிடி 4 கிராம், சூடோமோனாஸ் ஃபுளோரசன்ஸ் கிலோ விதை இரண்டு கிராம் கேப்டன் அல்லது திராம் மருந்து கலந்து நேர்த்தி செய்து, குழிக்கு 4-5 விதைகள் விதைத்து, நன்கு முறைக்கும் வரை நீர் பாய்ச்ச வேண்டும்.

செடி பராமரித்தல்

விதைகள் நன்கு முளைத்த பின், நன்கு வளரும் செடிகள் 2-3 வைத்துக் கொண்டு, மீதிச் செடிகளைக் களைந்து விட வேண்டும்.

நீர் நிர்வாகம்

விதைகள் விதைத்த மூன்றாம் நாளில் தண்ணீர் விட வேண்டும். நன்கு முளைத்தவுடன் ஒரு முறை தண்ணீரும், அதற்கு அடுத்த வாரத்தில் ஒரு முறையும் வாய்க்கால்களின் வழியாக தண்ணீர் பாய்ச்ச வேண்டும்.

களைக் கட்டுப்பாடு மற்றும் பின்செய்நேர்த்தி

விதைத்த 20-25 ஆம் நாளும் ஒரு மாத இடைவெளியிலும் களை கட்டாயம் எடுக்கவேண்டும்.

விதைத்த 30 ஆம் நாளில் செடிகளை கொத்திவிட்டு மேல் உரமாக 50 கிராம் யூரியாவை ஒவ்வொரு குழிக்கும் அளிக்கவேண்டும்.

ஒருங்கிணைந்த பயிர் பாதுகாப்பு

பழ ஈக்கள் மற்றும் வண்டுகளின் தாக்குதலைக் கட்டுப்படுத்த மாலத்தியான் மருந்தை ஒரு லிட்டர் நீரில் இரண்டு மில்லி என்ற அளவில் தெளிக்கவேண்டும்.

அறுவடை

விதைத்த 45 நாட்கள் கழித்து காய்களை அறுவடை செய்யலாம். மொத்தம் 8 முதல் 10 முறை அறுவடை செய்யலாம்.

மகசூல் 

எக்டருக்கு 90 நாட்களில் 8 முதல் 10 டன்கள் வரை பிஞ்சுக் காய்கள் கிடைக்கும்.

மேலும் படிக்க:

காய்கறி தோட்டங்கள் அமைப்பது குறித்து மாணவர்களுக்கு விழிப்புணர்வு!

காய்கறி பயிர்களில் எப்போது அறுவடை செய்தால் தரமான விதைகள் கிடைக்கும்?