பிரதம மந்திரி வய வந்தனா திட்டம் என்பது மூத்த குடிமக்களுக்கு வயது முதிர்வு கால வருமானத்துக்கு உறுதி செய்யும் நலத்திட்டமாகும், மேலும் இதன் பலனானது, அனைத்து மூத்த குடிமக்களும், அனுபவிக்கலாம் என்பதில் எந்த சந்தேகமும் இல்லை.
திட்ட காலம்:
பிரதமர் வய வந்தனா திட்டத்தை (PMVVY) 2020 மார்ச் 31-க்கு பின்னரும் மேலும் மூன்றாண்டு காலத்துக்கு 2023 மார்ச் 31 வரை நீட்டிக்கப்பட்டிருப்பது குறிப்பிடதக்கது. இதன் பயன், மற்றும் அம்சங்கள் குறித்து, இந்த பதிவில் பார்க்கலாம்.
முக்கிய அம்சங்கள்:
- முதலில், 2020-21-இல் ஆண்டுக்கு 7.40 சதவீதம் உறுதியளிக்கப்பட்ட வருவாய்க்கு அனுமதி வழங்கப்படும். அதன் பின்னர் ஒவ்வொரு ஆண்டும் மறுநிர்ணயம் அறிவிப்பும் வெளியாகும்.
- மூத்த குடிமக்கள் சேமிப்புத் திட்டத்தின் மாற்றியமைக்கப்பட்ட விகித்தின் கீழ், நிதியாண்டின் ஏப்ரல் 1 முதல் உறுதியளிக்கப்பட்ட வட்டி விகித ஆண்டு மறு நிர்ணயம், புதிய திட்ட மதிப்பீட்டுக்கிணங்க 7.75 சதவீத உச்சவரம்புக்கு மிகாமல் இருத்தல் வேண்டும்.
- எல்ஐசி-யால் உருவாக்கப்பட்ட சந்தை மதிப்பு (நிகரச்செலவு) வருவாய்க்கும், திட்டத்தின் கீழ் உத்தரவாதமளிக்கப்பட்ட விகித வருவாய்க்கும் இடையிலான வேறுபாடு காரணமாக எழும் தொகைக்கான அனுமதி வழங்கப்படும் என்பது குறிப்பிடதக்கது.
- புதிய பாலிசிகளுக்கு, திட்டத்தின் முதலாண்டுக்கான நிதியில் ஆண்டுக்கு 0.5 சதவீதம் மேலாண்மைச் செலவுக்கு வரம்பாக நிர்ணயிக்கப்படும். அதன் பின்னர், இரண்டாம் ஆண்டு முதல் அடுத்த 9 ஆண்டுகளுக்கு ஆண்டுக்கு 0.3 சதவீதம் ஆக இருக்கும் என்பது குறிப்பிடதக்கது.
- ஒவ்வொரு நிதியாண்டின் தொடக்கத்தில் ஆண்டு வருவாய் விகிதத்தை மாற்றியமைப்பதை அனுமதிக்க நிதி அமைச்சருக்கு அதிகாரம் வழங்குதல் போன்ற தீர்வுகள் நிறைவேற்றப்படும்.
- திட்டத்தின் மற்ற அனைத்து விதிமுறைகளும் தொடர்ந்து அதேவிதமாக நீடிக்கும் என்பதும் குறிப்பிடதக்கது.
- ஆண்டுக்கு ரூ.12,000 ஓய்வூதியம் பெறுவதற்கான குறைந்தபட்ச முதலீடு ரூ.1,56,658 ஆக நிர்ணயக்கப்பட்டுள்ளது. இத் திட்டத்தின் கீழ், மாதம் குறைந்த பட்சம் ரூ.1,000 ஓய்வூதியம் பெறுவதற்கான முதலீடு ரூ.1,62,162 ஆக மாற்றியமைக்கப்பட்டிருப்பது சிறப்பாகும்.
ஆன்லைன் விண்ணப்பம்
- எல்ஐசியின் அதிகாரப்பூர்வ இணையதளத்தைப் பார்வையிடவும்-
- தயாரிப்புகள் என்பதைப் தொடர்ந்து ‘ஓய்வூதியத் திட்டங்கள்ட என்பதைக் கிளிக் செய்யவும்.
- பிரதான் மந்திரி வய வந்தனா யோஜனா என்பதைக் கிளிக் செய்யவும். ஆன்லைனில் வாங்கவும் தாவலைக் கிளிக் செய்யவும்.
- தேவையான விவரங்களுடன் படிவத்தைச் சமர்பித்து, அணுகல் ஐடியைப் பெறு என்பதைக் கிளிக் செய்யவும்.
- உங்கள் மொபைல் அல்லது மின்னஞ்சல் முகவரியில் ஐடியைப் பெறுவீர்கள். ஐடியை உள்ளிட்டு தொடரவும் என்பதைக் கிளிக் செய்யவும்.
- இப்போது, உங்கள் தேவைக்கேற்ப திட்டத்தைத் தேர்ந்தெடுத்து, படிவத்தைப் பூர்த்தி செய்து சமர்பிக்கவும்.
- கிடைக்கக்கூடிய கட்டண விருப்பங்களைப் பயன்படுத்தி பணம் செலுத்துங்கள் மற்றும் நிறுவனம் உங்கள் பதிவு செய்யப்பட்ட மின்னஞசல் முகவரிக்கு பாலிசி ஆவணங்களைப் பகிர்ந்து கொள்ளும்.
எனவே, வீட்டியிலிருந்துக்கொண்டே, இந்த படிவத்தைப் பூர்த்தி செய்து, எதிர்காலத்திற்கு பயனடையுங்கள்.
மேலும் படிக்க:
Share your comments