மூளையை பலவீனமாக்கும் இந்த பழக்கங்களுக்கு NO சொல்லுங்க!

Dinesh Kumar Updated on 27 April, 2022 12:36 PM IST

நமது முழு உடலும் மூளையால் கட்டுப்படுத்தப்படுகிறது. உடலின் கட்டுப்பாட்டு அறையாகச் செயல்படும் மூளை வலுவிழக்கத் தொடங்கும் போது, எந்த வேலையையும் செய்ய முடியாமல் சிரமப்படும். நமது சில பழக்கவழக்கங்கள் மூளையை பலவீனப்படுத்தும் என்று நிபுணர்கள் எச்சரிக்கின்றனர்.

மூளையை பலவீனப்படுத்தும் கெட்ட பழக்கங்கள்:

சில தவறான பழக்கவழக்கங்கள் மற்றும் ஆரோக்கியமற்ற வாழ்க்கை முறை காரணமாக, நமது மூளை பலவீனமடையத் தொடங்குகிறது. மூளையில் ஏதேனும் பாதிப்பு ஏற்பட்டால், அது முழு உடலையும் பாதிக்கும். எனவே மூளையைபாதிக்கும் கெட்ட பழக்கங்களை உடனடியாக கைவிட வேண்டும்.

அதிக சர்க்கரை சாப்பிடுவது:

அதிகப்படியான இனிப்புகள் மூளையின் செயல்பாட்டைப் பாதிக்கும், மேலும் அறிவாற்றல் குறையத் தொடங்கும் என்று சுகாதார நிபுணர்கள் எச்சரிக்கின்றனர். நினைவாற்றல் மோசமாகப் பாதிக்கப்படுவதாகவும் சொல்கிறார்கள். எனவே அதிக அளவு இனிப்புகள் முக்கியமாக, சர்க்கரை கலந்த இனிப்புகளை தவிர்க்க வேண்டும்

அதிகப்படியான கோபம்:

சிறிய விஷயங்களுக்கு கூட அடிமையாகி விடுபவர்களின் மூளை படிப்படியாக வேலை செய்வதை நிறுத்திவிடும் என்கின்றனர் நிபுணர்கள். கோபம் வரும்போது மூளை நரம்புகளில் அழுத்தம் கொடுக்கப்படுகிறது. அது அவர்களை பலவீனமாக்குகிறது. இதனால் மூளையின் சக்தி குறைய ஆரம்பிக்கிறது.

காலை உணவை தவிர்த்தால் வரும் தீமை:

காலையில் காலை உணவை தவிர்க்கும் பழக்கம் மூளையின் செயல்பாட்டை பாதிக்கும் மற்றும் மூளையின் ஆற்றல் குறைகிறது. ஏனென்றால், காலை உணவைத் தவிர்ப்பதால், உடலுக்கும் மனதுக்கும் அன்றைய நாளுக்குத் தேவையான சத்துக்கள் கிடைக்காமல் சோர்வடைகிறது. இந்தப் பழக்கம் மூளையை மட்டுமல்ல உடலையும் பலவீனப்படுத்துகிறது. ஆகையால் காலை உணவை தவிர்க்க கூடாது.

தூக்கமின்மை:

தினமும் 7 முதல் 8 மணி நேரம் தூங்காவிட்டால் மூளைக்கு முழு ஓய்வு கிடைக்காது. எனவே, சோர்வு காரணமாக மூளை திறமையாக வேலை செய்யாது. மேலும், முகத்தை மூடிக்கொண்டு தூங்கும் பழக்கத்தால், உடலுக்கு தேவையான ஆக்ஸிஜன் கிடைக்காமல், உடலில் ஆக்ஸிஜன் பற்றாக்குறை ஏற்படுகிறது. இதனால் மூளை செல்கள் பலவீனமடைய ஆரம்பிக்கும்.

ஆரோக்கியமான மூளைக்கு செய்ய வேண்டியவை