தர்பூசணி நல்லதா? எப்படி நல்ல தர்பூசணியை கண்டுபிடிப்பது?

நம்மைச் சுற்றியுள்ள அனைத்தும் போலியாக இருப்பதால், உண்மையானவற்றைக் கண்டுபிடிப்பது கிட்டத்தட்ட சாத்தியமற்றதாக இருக்கிறது. தர்பூசணி போன்ற பருவகால பழங்களில் கூட, கலப்படங்கள் கலக்கப்படுகின்றன. அவை இனிப்பு மற்றும் பெரும்பாலும் கூழின் சிவப்பு நிறத்தை அதிகரிக்கின்றன.

எரித்ரோசின் கலப்படம்: தர்பூசணியில் பயன்படுத்தப்படும் நச்சு சாயங்களில் ஒன்று எரித்ரோசின் ஆகும். இது ஒரு இளஞ்சிவப்பு சாயம் மற்றும் பெரும்பாலும் உணவு வண்ணத்தில் பயன்படுத்தப்படுகிறது. FSSAI அல்லது இந்திய உணவு பாதுகாப்பு மற்றும் தர நிர்ணய ஆணையம் தர்பூசணியில் உள்ள இந்த கலப்படத்தை எவ்வாறு கண்டறிவது என்பது குறித்த விரிவான வீடியோவைக் வெளியிட்டுள்ளது. வீடியோவில், உணவுக் கட்டுப்பாட்டாளர் தர்பூசணியை இரண்டு பகுதிகளாக வெட்டி, கூழ் மீது காட்டனைத் தடவுவதன் மூலம் சாயத்தை சரிபார்க்க அறிவுறுத்துகிறார். பருத்தி உருண்டை சிவப்பு நிறமாக மாறினால், பழத்தில் ரசாயன சாயம் கலக்கப்பட்டுள்ளது என்று அர்த்தம் ஆகும்.

எரித்ரோசின் நரம்பு மண்டலத்தை பாதிக்கும்: ஜீப்ராஃபிஷ் கரு வளர்ச்சியில் எரித்ரோசினின் தாக்கம் குறித்த ஆய்வில், இந்த சாயத்தை நீண்டகாலமாகப் பயன்படுத்துவது குழந்தைப் பருவத்தின் நடத்தை, தைராய்டு செயல்பாடு போன்ற முக்கியமான சிக்கல்களை மாற்றும் என்று கண்டறியப்பட்டது. தௌலத் ராம் கல்லூரி மற்றும் சன்ஸ்ரிதி அறக்கட்டளையின் ஆராய்ச்சியாளர்களால் "ஜீப்ராஃபிஷ் கரு வளர்ச்சியில் உணவு வண்ணமயமான எரித்ரோசின் மற்றும் டார்ட்ராசின் நச்சு விளைவுகள்" என்ற தலைப்பில் 2019 ஆம் ஆண்டு ஆய்வில், "எரித்ரோசின் மற்றும் டார்ட்ராசின் அதிக அளவு உட்கொள்வது பாலூட்டிகளின் மாதிரிகளில் பாதகமான விளைவுகளை வெளிப்படுத்துவதாகக் காட்டப்பட்டுள்ளது.

விரைவில் பழுக்க கார்பைடு சேர்க்கப்படுகிறது: கார்பைடு பொதுவாக பழங்களில் பயன்படுத்தப்படுகிறது. தர்பூசணியில் வெள்ளை தூளாக தோன்றும் வெள்ளை தூள் பொருட்கள்தான் கார்பைடு ஆகும். மாம்பழம் மற்றும் வாழைப்பழங்களிலும் கார்பைடு பயன்படுத்தப்படுவதால், பழங்களில் கார்பைடு இருப்பதை கண்டால், அதை வெட்டுவதற்கு முன், அதை சரியாக சுத்தம் செய்து அதன் பின் உணவில் எடுத்துக்கொள்வது நல்லது.

கார்பைடுகளை உட்கொள்வதால் ஏற்படக்கூடிய பக்கவிளைவுகள்: இது இயற்கையில் மிகவும் நச்சுத்தன்மை வாய்ந்தது. அதோடு, அதிகப்படியான அளவு மனிதர்களுக்கு மிகவும் தீங்கு விளைவிக்கக் கூடியது ஆகும். இது தலைவலி, தோல் வெடிப்பு மற்றும் நுரையீரலுக்கு தீங்கு விளைவிக்கும். இது உடலின் நரம்பு மண்டலத்தை பாதிக்கிறது. மயக்கம், வலிப்பு மற்றும் கோமாவை தூண்டும் என ஆய்வாளர்களால் கூறப்படுகிறது. எனவே, நச்சற்ற கலப்படமற்ற தர்பூசணியினை வாங்கி உண்பது உடலுக்கு நல்லது.

மேலும் படிக்க

மோர் குடிப்பதால் கிடைக்கும் ஆச்சர்யமான பலன்கள்!

முசுமுசுக்கை இலையின் ஆச்சர்யமூட்டும் நன்மைகள்!