Krishi Jagran Tamil
Menu Close Menu

ஆயுர்வேதம் சொல்லும் மூலிகை பொடிகள் மற்றும் அதன் ஈடில்லா பலன்கள் பகுதி - 2

Friday, 28 June 2019 02:50 PM
Indian Green Herbs

பொடிகள் மற்றும் அதன் பலன்கள்

திரிபலா பொடி - சர்க்கரை வியாதி, மல சிக்கல்,  அல்சரை கட்டுப்படுத்தும்.

அதிமதுரம் பொடி - தொண்டையில் ஏற்படும் அனைத்து பிரச்சனைகளுக்கும் ஏற்ற பொடி. தொடர்ந்து உட்கொண்டால் குரல் இனிமையாகும்.

துத்தி இலை பொடி  - உடலில் உண்டாகும் உஷ்ணம், உள் மற்றும் வெளி மூல நோய்க்கு சிறந்த மருந்து.

செம்பருத்திபூ பொடி -  இந்த பூவினை உலர்த்தி பொடி செய்து தலைக்கு தேய்த்து வர முடி நன்கு பளபளக்கும். அனைத்து இருதய நோய்க்கும் சிறந்தது.

கரிசலாங்கண்ணி பொடி - மஞ்சள் காமாலை, ஈரல் பிரச்சனை, முடியுதிர்வு பிரச்சனை தீர்க்க வல்லது.

சிறியா நங்கை பொடி - எல்லா வகையான விஷக்கடிக்கும் ஏற்ற மருந்து, சர்க்கரை நோயாளிகளுக்கு ஏற்றது.

கீழாநெல்லி பொடி - மஞ்சள் காமாலை நோய்க்கு ஏற்ற தலை சிறந்த மருந்து. இரத்த சோகை நோய்க்கு ஏற்றது.

முடக்கத்தான் பொடி - பெயரை வைத்தே புரிந்து கொள்ளலாம், ஆம் எல்லா விதமான மூட்டு வலி, முழங்கால்வலி, வாததுக்கு ஏற்றது.

கோரைகிழங்கு பொடி -  இது உடல் பொலிவு மற்றும் சரும பாதுகாப்புக்கு ஏற்றது. தொடர்ந்து உபயோகிக்கும் பொழுது சருமம் மிருதுவாக இருக்கும்.

குப்பைமேனி பொடி - குப்பை போன்ற இடங்களில் காண பட்டாலும் தோல் பிரச்சனைகளுக்கு ஏற்றது. தேமல், சொறி, சிரங்கு, போன்றவற்றிற்கு ஏற்றது.

பொன்னாங்கண்ணி பொடி - இது உடல் சூட்டை தணிக்க வல்லது,  கண்களில் தோன்றும் கட்டி, வீக்கம், எரிச்சல் போன்ற நோய்க்கு சிறந்தது.

Traditional Herbs

முருஙகைவிதை பொடி - இது சமீப காலமாக அதிக அளவில் பேசப்படுகிறது. இதில் உடலுக்கு தேவையான இரும்பு சத்து கொடுக்க கூடியது. அது மட்டுமல்லாது ஆண்மை சக்தி கூடும்.

லவங்கபட்டை பொடி - உடலில் உள்ள கெட்ட கொழுப்பை குறைகிறது. சர்க்கரை நோயாளிகளுக்கும் ஏற்றது.

வாதநாராயணன் பொடி - வாத நோய்களுக்கான நிவாரணி. அனைத்து விதமான பக்கவாதம், கை, கால் மூட்டு வலிக்கு ஏற்றது.

பாகற்காய்  பொடி - உடலில் உள்ள கிருமிகள், புழுக்களை அழிக்கும் தன்மை கொண்டது. உடலில் உள்ள இன்சுலின் அளவை சமன் படுத்த கூடியது.

வாழைத்தண்டு பொடி - எல்லா விதமான சிறுநீரக பிரச்சனைகள், சிறுநீரக கோளாறு, சிறுநீரக கல் அனைத்திற்கும் மிகச் சிறந்தது.

சித்தரத்தை பொடி - நாள் பட்ட சளி, இருமல் போன்றவற்றை நிக்க கூடியது. சற்று காட்டமாக இருப்பதால் தேனுடன் கலந்து சாப்பிடலாம். வாயு கோளாறுகளுக்கு நல்லது.

பொடுதலை பொடி -  பெயரை பார்த்தவுடன் புரிந்திருக்கும், ஆம் இது பொடுகு தொல்லை, பேன் தொல்லை,  முடி உதிரிவதை தடுக்கும்.

சுக்கு பொடி - சுக்கிற்கு மிஞ்சிய மருந்தில்லை  எனபர்கள். நம் உடலில் உண்டாகும் அஜீரணம், போன்ற பிரச்சனைகளை தீர்த்து செரிமானம் ஒழுங்காக நடைபெறும்.

ஆடாதொடை பொடி - சுவாச கோளாறு,ஆஸ்துமா பிரச்சனை உள்ளவர்கள் ஆடாதொடை பொடியினை தொடர்ந்து சாப்பிட்டு வர நல்ல மாற்றம் தெரியும்.

கருஞ்சீரகப்பொடி - நீரழிவு நோய், குடல் புண் போன்றவை நீங்கும்.

வெட்டி வேர் பொடி - தினமும் நீரில் கலந்து குடித்து வந்தால் உடல் சூடு படிப்படியாக குறைந்து குளிர்ச்சி தரும். இந்த நீரில் குளித்து வந்தால் வேர்க்குரு, வேர்வை வாடை  வரத்து. நல்ல முழுவதும் புத்துணர்ச்சி தரும்.

Siddha Medicine

வெள்ளருக்கு பொடி - பெண்களுக்கு உண்டாகும் வெள்ளைப்படுதல், அடிவயிறு வலி போன்ற பிரச்சனையை நிக்கும். இது ஒரு சிறந்த இரத்த சுத்தி ஆகும்.

நன்னாரி பொடி - கோடை காலங்களில் நாம் விரும்பி பருகும் சர்பத்திகளில் நன்னாரி சர்பத். இதில் உடலை சூட்டை தவிர்த்து, நன்கு சிறுநீரை வெளியேற்றுகிறது.  நா வறட்சி கட்டுப்படும்.

நெருஞ்சில் பொடி - இது சிறுநீரக கோளாறு மற்றும் அடைப்பு போன்ற பிரச்சனைகளை சரி செய்கிறது.

பிரசவ சாமான் பொடி - ஆம் நீங்கள் நினைப்பது போலவே பிரசவத்தினால் ஏற்படும் அதிகப்படியான இழப்பை சரி செய்வதுடன் உடல் வலிமை பெறும்,  தாய்பாலுக்கு சிறந்தது.

கஸ்தூரி மஞ்சள் பொடி - பண்டைய காலங்களில் நம்மூர் பெண்களின் அழகின் ரகசியம் இது தான்,  தினசரி பூசி வந்தால் முகம் பொலிவடைவதுடன் நாள் முழுவதும் நறுமணம் வீசும்.

Indian Spices

பூலாங்கிழங்கு பொடி -  இந்த கிழங்கை நலுங்கு மாவு தயாரிப்பில் பயன் படுத்துவார்கள். இதை உபயோகித்து குளித்து வர நாள் முழுவதும் நறுமணம் கமழும்.

வசம்பு பொடி - பொதுவாக இதை பச்சிளம் குழந்தைகளுக்கு கொடுப்பார்கள். இது பால் வாடை, வாந்தி, குமட்டல், ஒவ்வாமை  நிக்கும்.

சோற்று கற்றாழை பொடி -  குமரி என்று அழைக்கப்படும் கற்றாழை உடல் குளிர்ச்சி, முகப்பொலிவு போன்றவற்றை கொடுக்கும்.

மருதாணி பொடி - நம்மூர் பெண்கள் பூசி கொள்ளும் மூலிகை,  கை, கால்களில் பூசி வர பித்தம் குறையும். தலைமுடியில் தேய்த்து குளித்து வர இளநரை  மறையும்.

கருவேலம்பட்டை பொடி - இப்பொடியினை தொடர்ந்து தேய்த்து வர நம் பற்களில் உண்டாகும் கறை, சொத்தை, பூச்சிபல், பல்வலி போன்றவை குணமாகும்.

பகுதி 1 இல் இடம் பெற்றதை படிக்க கீழே உள்ள லிங்கை கிளிக் செய்யவும்

https://tamil.krishijagran.com/health-lifestyle/do-you-know-about-herbal-powders-and-its-medicinal-benefits-here-your-guideline-refer-and-use-it/

Anitha Jegadeesan
Krishi Jagran

Traditional Herbs Indian Herbs Siddha Medicine Indian Spices Herbal Powders Health Benefits Side Effects Abandons Health Benefits

Share your comments


Krishi Jagran Tamil Magazine Subscription Online Subscription

CopyRight - 2019 Krishi Jagran Media Group. All Rights Reserved.