நீரிழிவு நோயை தடுக்கும் பழைய சோறு - யாரும் அறிந்திராத உண்மை!

குளிர்ந்த கார்போஹைட்ரேட்டுகள் இரத்தத்தில் சர்க்கரையை கட்டுப்படுத்த உதவும் என்று ஆய்வுகளின் முடிவுகள் தெரிவிக்கின்றன.

தமிழகத்தைப் பொருத்தவரை, முதல் நாள் சமைத்து எஞ்சிய சாதத்தை தண்ணீர் ஊற்றிவைத்துவைட்டு, மறுநாள் சாப்பிடுவது வழக்கம். இதற்கு பழைய சோறு என்று பெயர். இதனைச் சாப்பிடுவதால், நம் உடலுக்கு பல நன்மைகள் கிடைக்கின்றன.

ஆய்வு

இந்நிலையில், கடந்த மாதம் ஊட்டச்சத்து மற்றும் நீரிழிவு நோய் குறித்து, ஆய்வு அறிக்கை ஒன்று வெளியிடப் பட்டது. அதன்படி, புதிதாக சமைக்கப்பட்ட சாதத்திற்கு பதிலாக மீண்டும் சூடுபடுத்தப்பட்ட சாதத்தை சாப்பிடுவது நீரிழிவு நோயாளிகளுக்கு இரத்த சர்க்கரையின் கூர்மையை குறைக்கலாம் என்பது தெரியவந்துள்ளது.

போஸ்னான் மருத்துவ அறிவியல் பல்கலைக்கழகத்தைச் சேர்ந்த போலந்து ஆராய்ச்சியாளர்கள் குழு ஒன்று வகை 1 நீரிழிவு நோயாளிகளை ஆய்வு செய்தது. இரண்டு வெவ்வேறு சோதனை உணவை சாப்பிட்ட பிறகு அவர்களின் இரத்த சர்க்கரை அளவை ஒப்பிட்டுப் பார்த்தது.

ஒரு உணவு நீண்ட தானிய வெள்ளை அரிசி (அரிசி சாதம்), சுமார் 46 கிராம் கார்போஹைட்ரேட், உடனடியாக தயாரிக்கப்பட்டு பரிமாறப்பட்டது. மற்றொன்று அரிசி சாதத்தின் அதே பகுதி, ஆனால் 24 மணி நேரம் குளிர்சாதன பெட்டியில் குளிர்விக்கப்பட்டது. பின்னர் மீண்டும் சூடாக்கி பரிமாறப்பட்டது.

பங்கேற்பாளர்கள் குளிரூட்டப்பட்ட சாதத்தை உண்ணும்போது, ​​அவர்களின் இரத்த சர்க்கரை அளவு கணிசமாக நிலையானதாக இருப்பதையும், ஒட்டுமொத்தமாக குறைந்த அதிகரிப்புடன் இருப்பதையும், புதிய அரிசியை உண்பதைக் காட்டிலும் குறைந்த நேரம் உச்சத்தை அடைவதையும் கண்டறிந்தனர்.

எதிர்ப்பு ஸ்டார்ச்

சாதம் போன்ற குளிர்ந்த கார்போஹைட்ரேட்டுகள் இரத்த சர்க்கரையை கட்டுப்படுத்த உதவும் என்று முடிவுகள் தெரிவிக்கின்றன. 

ஆராய்ச்சியாளர்களின் கூற்றுப்படி, எதிர்ப்பு ஸ்டார்ச் எனப்படும் ஒரு குறிப்பிட்ட வகை கார்போஹைட்ரேட்யை பழைய சாதம் கொண்டுள்ளது. அதாவது புதிய சாதத்தை விட பழைய அரிசி சாதம் கணிசமாக அதிக எதிர்ப்பு சக்தி கொண்ட மாவுச்சத்தை கொண்டிருந்தது.

மேலும் படிக்க...

மாம்பழத்தில் போலி- கண்டுபிடிக்க என்ன செய்யவேண்டும்?

ஒல்லியான உடல் அமைப்புக்கு - இந்த பால் கைகொடுக்கும்!