Krishi Jagran Tamil
Menu Close Menu

ஏழு கட்டங்களாக நடந்த மக்களவை தேர்தல், 62 % வாக்கு பதிவுடன் நிறைவடைந்தது: பாஜக மிகுந்த எண்ணிக்கையுடன் மீண்டும் ஆட்சி அமைக்கும் - கருத்து கணிப்பு

Monday, 20 May 2019 12:47 PM

ஏழு கட்டங்களாக நடந்த மக்களவை தேர்தல் நேற்றுடன் முடிவடைந்தது. நிறைவு பெற்ற ஏழாம் கட்ட தேர்தலில் 62 % வாக்குகள் பதிவாகியிருந்தன. வாக்குகள் என்னும் பணி மே 23 ஆம் தேதி நடைபெற உள்ளது. அன்று மாலை அளவில் தேர்தல் முடிவுகள் வெளியிடப்படும்.

மக்களவை தேர்தலானது கடந்த மாதம் ஏப்ரல் 11 ஆம் தேதி தொடங்கி மே 19 தேதி  (நேற்று) வரை நடை பெற்றது. மொத்தமுள்ள 543 தொகுதிகளுக்கு 7 கட்டங்களாக நடந்து வந்தது. இந்த தேர்தலில் 10 கோடி  புதிய வாக்காளர்கள் சேர்க்க பட்டுள்ளனர். 

ஏழாம் கட்ட தேர்தலானது பஞ்சாப் (13/13), சண்டிகர் (1/1), மத்திய பிரதேசம் (8/29), ஜார்கண்ட் (3/14), மேற்கு வங்கம் (9/42), உத்திர பிரதேசம் (13/80), பீகார் (8/40), மற்றும் ஹிமாச்சல் பிரதேசம்(4/4), போன்ற தொகுதிகளுக்கு நடைபெற்றது.

59 தொகுதிகளில் 918 வேட்பாளர்கள் போட்டியிட்டனர். 10 கோடி வாக்காளர்கள் வாக்களிக்க தகுதி பெற்றவர்களாக இருந்தனர். இதில் 3,435 பேர் மூன்றாம் பாலினத்தவராவர்.

இறுதி கட்ட வாக்கு பதிவு நடைபெற்ற தொகுதிகளில் பிரதமர் போட்டியிடும் வாரணாசி தொகுதியும் ஒன்று என்பது குறிப்பிட தக்கது. நேற்று மாலை வரை 62% வாக்குகள் பதிவாகி இருந்தன என தேர்தல் அதிகாரி கூறினார். வாக்கு இயந்திரங்கள் வாக்குகள் என்னும் மையத்திற்கு எடுத்து செல்லபட்டு வரும் மே 23 தேதி வாக்குகள் எண்ணப்பட்டு முடிவுகள் அறிவிக்க படும் என்றார்.

நேற்று மாலை முதல் தொலைக்காட்சிகள், ஊடகங்கள், சமூக வலைத்தளங்கள் கருத்து கணிப்புகளை வெளியீட்டு வருகின்றன. பெரும்பாலான  ஊடகங்களின் கருத்து கணிப்புகள்,  மத்தியில் ஆளும் பாஜக அரசுக்கு சாதகமாகவே உள்ளது.

பாஜக அரசு பலத்த பெரும்பான்மையுடன் மீண்டும் ஆட்சி அமைக்கும் என தகவல்கள் வருகின்றன. கருத்து கணிப்புகள் யாவும் எதிர் கட்சிகளுக்கு எதிராகவே உள்ளன. எனினும் மே 23 தேதி வரை பொறுத்திருந்து பார்ப்போம்.

Anitha Jegadeesan

மக்களவை தேர்தல் மே 23 மீண்டும் ஆட்சி கருத்து கணிப்பு வாக்கு இயந்திரங்கள் ஊடகங்கள் பாஜக அரசு

Share your comments


Krishi Jagran Tamil Magazine Subscription Online Subscription

Latest Stories

  1. செங்காந்தள் விதைக்கு விலை நிர்ணயம்: விவசாயிகளுக்கு அரசு கடன் உதவி
  2. உழுபவர்களுக்கும், உண்பவர்களுக்கும் நன்மை தரும் சிறுதானியம்
  3. மண்பானை விற்பனை அதிகரிப்பு: வியாபாரிகள் மகிழ்ச்சி
  4. மண் வளத்தை காக்க சணப்பை சாகுபடி: துறை வல்லுநர்கள் ஆலோசனை
  5. களப்பயிற்சியுடன் கூடிய இலவச வகுப்பு: கால்நடை மருத்துவ பல்கலை கழகம் அறிவுப்பு
  6. கால்நடை மருத்துவப் பல்கலைக் கழக பயிற்சி மற்றும் ஆராய்ச்சி மையம் அழைப்பு
  7. வேளாண் அறிவியல் நிலையம் நடத்தும் ஒரு நாள் இலவசப் பயிற்சி
  8. பருவநிலை மாற்றத்தை எதிர்த்து வளரும் பழமை வாய்ந்த சிறுதானியம்
  9. இதயக்கோளாறுகளை சரி செய்ய உதவும் இயற்கை நிவாரணி: சிக்கு என்னும் `சீமை இலுப்பை'
  10. குறைந்து வரும் உற்பத்தி: இழப்பை தடுக்க தோட்டக்கலைத்துறையினர் ஆலோசனை

CopyRight - 2020 Krishi Jagran Media Group. All Rights Reserved.