அதிரடியாகக் குறைந்த முட்டையின் விலை!

தொடர்ந்து ஒவ்வொரு நாளும் முட்டையின் விலை குறைந்துகொண்டே வருகின்றது. இன்று ஒரு நாளில் மட்டும் முட்டை ஒன்றிற்கு ரூ.20 காசுகள் குறைக்கப்பட்டுள்ளது. இன்றைய நாளின் முட்டை விலை என்ன? ஏன் இந்த சரிவு என்பனவற்றைக் குறித்து விரிவான தகவலை இப்பதிவு விளக்குகிறது.

நாமக்கல் மாவட்டத்தில் நடைபெற்ற தேசிய முட்டை ஒருங்கிணைப்பு குழு கூட்டத்தில் முட்டை ஒன்றின் பண்ணை கொள்முதல் விலை 4 ரூபாய் 30 காசுகளாக விலை நிர்ணயம் செய்யப்பட்டிருக்கிறது. முன்னர் முட்டை கொள்முதல் விலை 4 ரூபாய் 50 காசுகளாக இருந்தது. ஒரே நாளில் 20 காசுகள் விலை குறைந்துள்ளது.

மேலும் படிக்க: பெண்களுக்கு ரூ. 6000 கிடைக்கும் மத்திய அரசின் திட்டம்: இன்றே அப்ளை பண்ணுங்க!

இந்த விலை‌க் குறைப்பு குறித்துப்‌ பண்ணையாளர்கள் கூறுகையில், தமிழகம் மற்றும் கேரளாவில் முட்டைக்கான தேவை குறைந்து விற்பனை குறைந்ததால் விலையும் குறைக்கப்பட்டுள்ளதாகக் கூறுகின்றனர். அதோடு, இனி வரும் காலங்களில் முட்டை விலை உயரவே வாய்ப்பு உள்ளது எனவும் தெரிவிக்கின்றனர்.‌

சென்னையைப் பொறுத்தவரையில், கொள்முதல் நிலையில் முட்டை ஒன்றின் விலை 4 ரூபாய் 80 காசுக்கு விற்கப்படுகிறது. சில்லரை விற்பனையில் 5 ரூபாய்க்கு மேல் முட்டை விற்பனை செய்யப்படுகிறது. இரு தினங்களுக்கு முன் நாமக்கல்லில் நடைபெற்ற தேசிய முட்டை ஒருங்கிணைப்பு குழு கூட்டத்தில் முட்டை ஒன்றின் பண்ணை கொள்முதல் விலை 4 ரூபாய் 50 காசுகளாக இருந்தது.

இந்த நிலையில் தற்போது முட்டையின் விலை குறைந்துள்ளதால் அசைவப் பிரியர்களும் இல்லத்தரசிகளும் மகிழ்ச்சியில் இருக்கின்றனர். இந்த மாதத் தொடக்கம் முதலே முட்டை விலை குறைந்து வருகின்றது என்பது குறிப்பிடத்தக்கது.

மேலும் படிக்க

கால்நடைகளின் தோல் கட்டி நோயைக் குணப்படுத்த தடுப்பூசி!

தொழில்நுட்பம் விவசாயிகளின் வருமானத்தைப் பெருக்க உதவும்!