1. செய்திகள்

தமிழகம், கேரளா உட்பட 6 மாநிலங்களில் தினசரி கொரோனா தொற்று அதிகரிப்பு!

Daisy Rose Mary
Daisy Rose Mary

மகாராஷ்டிரா, கேரளா, பஞ்சாப், தமிழகம், குஜராத் மற்றும் கர்நாடகாவில் தினசரி கோவிட்-19 பாதிப்பு தொடர்ந்து அதிகரிக்கிறது. இதனால் அந்தந்த மாநிலங்களில் போக்குவரத்து விதிமுறைகள் கடுமையாக்கப்பட்டுள்ளன.

இதுதொடர்பாக மத்திய சுகாராத்துறை வெளியிட்டுள்ள செய்திக் குறிப்பில், நாட்டில், கடந்த 24 மணி நேரத்தில் 17,407 பேருக்கு புதிதாக தொற்று ஏற்பட்டுள்ளது. மகாராஷ்டிராவில் அதிகபட்சமாக 9,855 பேருக்கு புதிதாக தொற்று ஏற்பட்டுள்ளது. அடுத்ததாக கேரளாவில் 2,765 பேருக்கு தொற்று ஏற்பட்டுள்ளது.

இந்தியாவில் கோவிட்-19 சிகிச்சை பெறுபவர்களின் மொத்த எண்ணிக்கை இன்று 1,73,413-ஐ எட்டியுள்ளது. இது மொத்த பாதிப்பில் 1.55 சதவீதம். மகாராஷ்டிரா, குஜராத், பஞ்சாப் மற்றும் மத்தியப் பிரதேசத்தில் கோவிட்-19-19 சிகிச்சை பெறுபவர்களின் எண்ணிக்கை அதிகரித்து வருகிறது. நாட்டில் குணமடைந்தவர்களின் மொத்த எண்ணிக்கையும் தொடர்ந்து அதிகரித்து வருகிறது.

நேற்று வரை, 1.66 கோடிக்கும் அதிகமானோருக்கு கோவிட்-19 தடுப்பூசி போடப்பட்டுள்ளது. இவர்களில் முதல் டோஸ் தடுப்பூசி போட்டுக் கொண்ட சுகாதாரப் பணியாளர்கள் 67,90,808 பேர், 28,72,725 சுகாதார பணியாளர்கள், 2வது டோஸ் தடுப்பூசி போட்டுள்ளனர். 58,03,856 முன்களப் பணியாளர்கள் முதல் டோஸ் தடுப்பூசி போட்டுள்ளனர். 4,202 முன்களப் பணியாளர்கள் 2வது டோஸ் தடுப்பூசி போட்டுள்ளனர்.

45 வயதுக்கு மேற்பட்ட இணை நோய் உள்ளவர்கள் 1,43,759 பேர் முதல் டோஸ் தடுப்பூசி போட்டுள்ளனர். 60 வயதுக்கு மேற்பட்டவர்களில் 10,00,698 பேர் தடுப்பூசி போட்டுக் கொண்டுள்ளனர். 47வது நாளான நேற்று சுமார் 10 லட்சம் பேருக்கு (9,94,452) தடுப்பூசி போடப்பட்டது. கடந்த 24 மணி நேரத்தில் 89 பேர், கோவிட்-19 தொற்று காரணமாக உயிரிழந்துள்ளனர் என மத்திய சுகாதாரத்துறையின் செய்திக்குறிப்பில் தெரிவிக்கப்பட்டுள்ளது.

English Summary: Maharashtra, Kerala, Punjab, Tamil Nadu, Gujarat and Karnataka continue to report a High Number of Daily New COVID Cases

Like this article?

Hey! I am Daisy Rose Mary. Did you liked this article and have suggestions to improve this article? Mail me your suggestions and feedback.

Share your comments

Latest feeds

More News

CopyRight - 2021 Krishi Jagran Media Group. All Rights Reserved.