குத்தகை நில விவசாயிகளுக்கு லாபத்தை தரும் ஜீரோ பட்ஜெட் இயற்கை விவசாயம்!

ஆந்திரப் பிரதேசத்தில் ஜீரோ பட்ஜெட் இயற்கை விவசாயமானது (ZBNF- Zero Budget Natural Farming) வழக்கமான (செயற்கை உரங்கள் மற்றும் பூச்சிக்கொல்லிகள்) விவசாயத்துடன் ஒப்பிடும்போது கணிசமாக அதிக பயிர் விளைச்சலுக்கு வழிவகுத்துள்ளதாக, மாநிலத்தின் இயற்கை விவசாயத் திட்டத்தின் புதிய ஆய்வின் மூலம் கண்டறியப்பட்டுள்ளது.

2016 ஆம் ஆண்டு தொடங்கப்பட்ட ஆந்திரப் பிரதேச சமூக மேலாண்மை இயற்கை வேளாண்மை (APCNF- Andhra Pradesh Community Managed Natural Farming) திட்டத்தின் கீழ் 100 சதவீத ரசாயனமற்ற விவசாயத்தை அரசு முன்னெடுத்து வருகிறது. கடந்த ஆறு ஆண்டுகளில், மொத்தமுள்ள 6 மில்லியன் விவசாயிகளில் 0.63 மில்லியன் விவசாயிகள் இயற்கை விவசாயத்தை மேற்கொண்டுள்ளனர்.

யுனைடெட் கிங்டம், ரீடிங் பல்கலைக்கழகம் மற்றும் 2014 இல் அரசாங்கத்தால் அமைக்கப்பட்ட லாப நோக்கற்ற Rythu Sadikara Samstha ஆகியவற்றின் ஆராய்ச்சியாளர்கள், வழக்கமான வேளாண் முறையுடன் ஒப்பிடும்போது, இயற்கை விவசாயத்தில் விளைச்சல் அதிகரித்துள்ளது என தெரிவித்துள்ளனர்.

வழக்கமான வேளாண் முறையானது செயற்கை பூச்சிக்கொல்லிகள் / உரங்களைப் பயன்படுத்துவதை உள்ளடக்கியது. இயற்கை வேளாண் முறையில் செயற்கை பூச்சிக்கொல்லிகள் அல்லது உரங்கள் மற்றும் தழைக்கூளம் ஆகியவற்றைப் பயன்படுத்துவதில்லை, ஆனால் பண்ணை உரம் மற்றும் மண்புழு உரம் போன்ற கரிம உள்ளீடுகள் பயன்படுத்தப்படுகிறது.

ஊட்டச்சத்து குறைவும் இல்லை :

அதிக மகசூலை அடைந்தது மட்டுமின்றி, ஊட்டச்சத்துக் கிடைக்கும் தன்மையும் ZBNF-யினால் பாதிக்கப்படவில்லை என மார்ச் 23, 2023-ல் நீடித்த வளர்ச்சிக்கான வேளாண்மை இதழில் வெளியிடப்பட்ட ஆய்வில் குறிப்பிடப்பட்டுள்ளது.

ஜூன் 2019-2020- க்கு இடைப்பட்ட காலத்தில் முதல் மூன்று பயிர் பருவங்களில் 28 பண்ணைகளில் கட்டுப்பாட்டு வயல் சோதனைகளை ஆராய்ச்சியாளர்கள் மேற்கொண்டனர். ZBNF முறையிலான சாகுபடியினை வழக்கமான வேளாண் முறையுடன் ஒப்பிட்டனர்.

மகசூல், மண்ணின் pH, வெப்பநிலை, ஈரப்பதம், ஊட்டச்சத்து உள்ளடக்கம் மற்றும் மண்புழுக்கள் ஆகியவற்றின் அடிப்படையில் ஒப்பீடுகள் செய்யப்பட்டன. ஆந்திரப் பிரதேசத்தில் உள்ள ஆறு மாவட்டங்களில் (அனந்தப்பூர், கடப்பா, கிருஷ்ணா, நெல்லூர், பிரகாசம் மற்றும் விசாகப்பட்டினம்) 800 கிலோமீட்டருக்கும் அதிகமான பரப்பளவைக் கொண்ட பண்ணைகள் வெவ்வேறு வேளாண் காலநிலை மண்டலங்களைக் குறிக்கின்றன.

வழக்கமான வேளாண் முறையில் மகசூல் முதல் பருவத்தில் இருந்து மூன்றாவது பருவத்திற்கு (1>2>3) குறைந்தது. அதேசமயம் கரிம மற்றும் ZBNF சராசரி மகசூல் மூன்று பருவங்களில் சிறிது அதிகரித்தது. ZBNF முறையில் நிலக்கடலை விளைச்சல் சுமார் 30-40 சதவீதம் அதிகமாக இருந்தது, இந்தியாவில் நிலக்கடலை ஒரு முக்கியமான எண்ணெய் வித்து பயிர் மற்றும் ஆந்திரப் பிரதேசத்தில் மட்டும் 537,000 ஹெக்டேர் (ஹெக்டேர்) பரப்பளவில் உள்ளது.

ஆந்திரப் பிரதேசத்தில் மொத்த பயிர் பரப்பில் 25 சதவீதத்தை ZBNF உள்ளடக்கியிருந்தால், ஒவ்வொரு ஆண்டும் உர மானியத்தில் 70 மில்லியன் டாலர்கள் சேமிக்கப்படும் என்று முன்னர் மதிப்பிடப்பட்டது. செயற்கை பூச்சிக்கொல்லிகள் மற்றும் உரங்களின் தீவிர பயன்பாட்டின் காரணமாக விவசாயிகளுக்கு நிதிச்சுமை, மனித ஆரோக்கியம், பசுமை இல்ல வாயு உமிழ்வு, பல்லுயிர் இழப்பு மற்றும் சுற்றுச்சூழல் மாசுபாடு ஆகியவற்றுடன் தொடர்புடைய பல ஆபத்துகள் நேர்கிறது.

ஹைதராபாத்தை தளமாகக் கொண்ட Rythu Swarjya Vedika என்ற விவசாயிகளின் அமைப்பு சமீபத்தில் நடத்திய ஆய்வில், ஆந்திராவில் உள்ள இந்த குத்தகை விவசாயிகளில் 79 சதவீதம் பேர் நிலமற்றவர்கள் அல்லது ஒரு ஏக்கருக்கும் குறைவான நிலம் வைத்திருப்பவர்கள் என்றும், எனவே அவர்கள் குத்தகைக்கு விடப்பட்ட நிலத்தையே முழுவதுமாக நம்பியிருக்கிறார்கள் என்றும் மதிப்பிட்டுள்ளது.

ZBNF நடைமுறைகளைப் பின்பற்றியதில் கிடைக்கும் உடனடி மகசூல் பலன் குறுகிய கால நிலக் குத்தகைகளில் விவசாயிகளுக்கு பயனுள்ளதாக இருக்கும் என்று ஆய்வு கூறுகிறது.

மேலும் காண்க:

தமிழ் புத்தாண்டு முதல் இதை செய்யுங்க- பொதுமக்களுக்கு TNPCB வேண்டுக்கோள்