கனமழையில் சிக்கிய நெல்லை மாவட்ட விவசாயிகளே அடுத்த சில நாள் இதை செய்யுங்க!

Farmers of Tirunelveli district

கிராமின் கிருஷி மவுசம் சேவா மூலம் விவசாயிகளுக்காக பிரத்யேக வானிலை முன்னறிவிப்பு வழங்கப்பட்டு வருகிறது. அந்தவகையில் திருநெல்வேலி மாவட்டத்தில் உள்ள விவசாயிகளுக்கு அடுத்த சில தினங்களுக்கான வானிலை முன்னறிவிப்பு மற்றும் அச்சமயங்களில் பயிர், மற்றும் கால்நடைகளை பாதுகாக்கும் வழிமுறைகள் குறித்தும் அறிவுரை வழங்கப்பட்டுள்ளது.

முந்தைய வாரத்துடன் ஒப்பிடும்போது அடுத்த ஐந்து நாட்கள், மாவட்டத்தில் அதிகபட்ச வெப்பநிலை 5 டிகிரி செல்சியஸ் குறைய வாய்ப்புள்ளதாக தெரிவிக்கப்பட்டுள்ளது. அடுத்த ஐந்து நாட்களுக்கு லேசானது முதல் மிதமான மழை பெய்யும் என்று கணிக்கப்பட்டுள்ளது. காற்றின் வேகம் மணிக்கு 12-16 கிமீ வேகத்தில் இருக்கும் என்றும், காற்றின் திசை வடக்கிலிருந்து வீசும் என்றும் எதிர்பார்க்கப்படுகிறது எனத் தெரிவிக்கப்பட்டுள்ளது.

பயிர்கள்- கால்நடைகளை பாதுகாக்க முன்னெச்சரிக்க நடவடிக்கை:

நீர்ப்பாசனம் மேற்கொள்ள வேண்டிய பயிர்களில் கடைப்பிடிக்க வேண்டிய நீர் மேலாண்மை: முந்தைய வாரத்தில் மிக அதிக மழை பதிவாகியுள்ளது. எனவே தண்ணீரை தேக்கி வைக்காமல் வெளியேற்ற விவசாயிகளுக்கு அறிவுறுத்தப்படுகிறது.

தாவர பாதுகாப்பு: அடுத்த மூன்று நாட்களுக்கு நீர் தெளிப்பதைத் தவிர்க்கவும். மழை நின்ற பிறகு, இலைவழி தெளித்தல் மற்றும் மண் அகழ்தல் போன்றவற்றை மேற்கொள்ளலாம்.

மிளகாய்: நீர் தெளிப்பதைத் தவிர்க்கவும் மற்றும் தொற்றுநோயைத் தடுக்க வடிகால் வசதிகளை மேம்படுத்தவும். காப்பர் ஆக்ஸிகுளோரைடு 2.5 கிராம்/லிட்டர் மற்றும் வேப்பம் பிண்ணாக்கினை மண்ணில் இடவும்.

பருத்தி- மலர் நுனி மேலாதிக்கத்தைத் தடுத்து, வளர்ச்சியை ஊக்குவிக்க முனைய மொட்டுகளை நைத்தல், உற்பத்தித்திறனை அதிகரிப்பதற்கான சிம்போடியல் கிளைகள் (70 - 75 DAS) மேம்படுத்துக.

கால்நடை பாதுகாப்பு: மழை மற்றும் ஈரப்பதம் அதிகமாக இருப்பதால் நோய்கள் பரவுவதற்கான வாய்ப்பு அதிகம். எனவே, விவசாயிகள் உடனடியாக தடுப்பூசி போட வேண்டும்.

நெல்: தொடர்ச்சியான மழை நாட்கள், இடைவிடாத தூறல், மேகமூட்டமான வானிலை மற்றும் நீண்டநேரமாக இலை ஈரப்பதத்துடன் இருப்பது ஆகியவை வெடிப்பு நிகழ்வுகளை ஆதரிக்கின்றன. எனவே, நோயின் ஆரம்பத் தொற்றைக் கண்டறிந்த பிறகு கார்பன்டாசிம் 50WP @ 500 கிராம்/எக்டருக்கு தெளிக்கவும் அல்லது ட்ரைசைக்ளோசோல் 75 WP @ 500 g/ha தெளிக்கவும்.

வாழை: நீர் தேங்குவதை தவிர்க்கவும் மற்றும் மழைக்காலங்களில் மரம் சாய்ந்துவிடாமல் இருக்க கம்பு ஊன்றி பாதுக்காக்கும் முறையிலும் ஈடுபடலாம்.

நாள் 1 (20-12-2023): தென் தமிழகம், வட தமிழகம், புதுச்சேரிக்கு மேல் ஓரிரு இடங்களில் மற்றும் காரைக்கால் பகுதிகளில் ஒரு சில இடங்களில் லேசானது முதல் மிதமானது வரை மழை பெய்யக்கூடும். தமிழ்நாட்டின் கன்னியாகுமரி, திருநெல்வேலி, தூத்துக்குடி, ராமநாதபுரம், புதுக்கோட்டை, தஞ்சாவூர், திருவாரூர் மற்றும் நாகப்பட்டினம் மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.

நாள் 2 (21-12-2023) மற்றும் நாள் 3 (22-12-2023): தென் தமிழகத்தில் ஒரு சில இடங்களிலும், வடக்கில் ஓரிரு இடங்களிலும் லேசானது முதல் மிதமானது வரை மழை பெய்யக்கூடும். நாள் 4 (23-12-2023) மற்றும் நாள் 5 (24-12-2023): தமிழ்நாடு, புதுச்சேரி மற்றும் காரைக்கால் பகுதியில் ஓரிரு இடங்களில் லேசானது முதல் மிதமான மழை பெய்யக்கூடும் எனவும் தெரிவிக்கப்பட்டுள்ளது. விவசாயிகள் இந்த அறிவிப்பிற்கேற்ப தங்களது வேளாண் பணிகளை மேற்கொள்ள அறிவுறுத்தப்படுகிறார்கள்.

Read more:

எட்டாத உயரத்தில் இஞ்சி விலை- மற்ற காய்கறி விலை எப்படி?

MSP-யுடன் போனஸ் தொகைக்காக காத்திருக்கும் விவசாயிகள்: ஆட்டம் காணும் நெல் கொள்முதல்