தாய்மார்களுக்கான சூப்பர் உணவுகள் மற்றும் குடும்பத்தின் ஆரோக்கியம்!

நிம்மதியான வாழ்க்கைக்கு ஆரோக்கியமே அடிப்படையாகும். எல்லாவற்றுக்கும் மேலாக, தாயை மையமாகக் கொண்ட குடும்பம் உள்ள இந்தியா போன்ற நாட்டில், தாய்வழி ஆரோக்கியத்திற்கு முக்கியத்துவம் கொடுப்பது அவசியம்.ஆனால், துரதிர்ஷ்டவசமாக, இந்தியாவில் தாயின் ஆரோக்கியத்திற்கும், அவர் உண்ணும் உணவுகளுக்கும் அதிக முக்கியத்துவம் கொடுப்பதில்லை.

குடும்பத்தின் தேவைகளைக் கவனிக்கும் தாய், தன் உடல்நிலையில் கவனம் செலுத்துவதில்லை. ஆனால், ஒரு தாயின் உடல்நிலை மோசமடைந்தால், அது அவளுடைய முழு குடும்பத்தின் நல்வாழ்வையும் பாதிக்கிறது.

இந்த உணவுகளை சேர்த்துக்கொள்வது ஒரு தாயாக குடும்பத்திற்கு நீங்கள் செய்யக்கூடிய சிறந்த காரியமாக இருக்கும்.தாயின் ஆரோக்கியத்திற்கு அவசியமான உணவுகள் குறித்த இந்த குறிப்புகளை வழங்குகிறார் டாக்டர். சுவாதி ரெட்டி (PT), ஆலோசகர் பிசியோதெரபிஸ்ட் மற்றும் சான்றளிக்கப்பட்ட டயட் ஆலோசகர். அவர் பெங்களூரில் உள்ள MIAP, மதர்ஹுட் மருத்துவமனையில் பணிபுரிகிறார்.

பச்சை காய்கறிகள் மற்றும் பழங்கள்

காய்கறிகள் மற்றும் பழங்கள் நார்ச்சத்து, வைட்டமின்கள் மற்றும் தாதுக்களின் சிறந்த ஆதாரங்களாக இருக்கின்றன, அவை செரிமான உடல்நலப் பிரச்சினைகளுக்கு உதவுகின்றன மற்றும் மலச்சிக்கலைத் தடுக்கின்றன. உடலில் தாது சமநிலையை பராமரிக்க தாய் தினசரி காய்கறிகள் மற்றும் பழங்களை எடுத்துக் கொள்ள வேண்டும்.

இரசாயன முறையில் பழுத்த பழங்களை சாப்பிடாமல், ஆர்கானிக் பழங்களை சாப்பிடுவது நல்லது. கீரை போன்ற காய்கறிகளில் வைட்டமின் ஏ, கால்சியம், இரும்புச்சத்து, வைட்டமின் சி மற்றும் இதயத்திற்கு நல்ல ஆரோக்கியமான ஆன்டிஆக்ஸிடன்ட்கள் உள்ளன. எனவே வாரத்தில் 4 நாட்கள் இலைக் காய்கறிகளை உணவில் சேர்த்துக் கொள்ளுங்கள்.

தேங்காய்

தேங்காய் எண்ணெய் அஜீரணக் கோளாறுகளிலிருந்து ஆரோக்கியத்தைப் பாதுகாக்கிறது. தேங்காயை உணவில் அடிக்கடி சேர்ப்பதால் ஆற்றல் அளவு அதிகரிக்கிறது.இளநீரில் உள்ள நடுத்தர சங்கிலி ட்ரைகிளிசரைடுகள் செரிமானத்தை மேம்படுத்துவதோடு, நோய் எதிர்ப்பு சக்தியை அதிகரிக்கும் வைட்டமின் ஈ-யையும் கொண்டுள்ளது.

உடல் எடையை குறைக்கும் தாய்மார்களுக்கு தேங்காய் எண்ணெய் சிறந்தது. உண்மையில் தேங்காய் எண்ணெயில் உள்ள கொழுப்பு உடலுக்கு நன்மை பயக்கும்.

முழு தானியங்கள்

முழு தானியங்களில் கார்போஹைட்ரேட் அதிகமாக உள்ளது. பழுப்பு அரிசி, பார்லி மற்றும் ஓட்ஸ் போன்ற முழு தானியங்களில் உள்ள சத்தான கார்போஹைட்ரேட்டுகள், உங்கள் சர்க்கரை அளவை உறுதிப்படுத்த உதவுகிறது மற்றும் கூடுதல் கலோரிகளைச் சேர்க்காமல் ஆற்றலை அதிகரிக்க உதவுகிறது.

பால் பொருட்கள்

உங்கள் உணவில் முட்டை மற்றும் பால் போன்ற பொருட்களை சேர்ப்பதன் மூலம் உங்கள் உடலுக்குத் தேவையான புரதத்தையும் கூடுதல் கால்சியத்தையும் பெறலாம்.

அசைவம் சாப்பிடுபவர்கள் இறைச்சி சாப்பிடலாம் என்றால், சைவ உணவு உண்பவர்கள் பருப்பு வகைகள் மற்றும் முளைத்த பருப்பு வகைகளை உணவில் சேர்த்துக்கொள்ளலாம்.

ஆரோக்கியமான தாய் என்றால் ஆரோக்கியமான குடும்பம்

நீங்கள் ஆரோக்கியமாக இருந்தால் மட்டுமே மற்றவர்களை கவனித்துக் கொள்ள முடியும் என்பதை மறந்துவிடாதீர்கள். சத்தான உணவை உட்கொள்வது ஆரோக்கியமாகவும் சுறுசுறுப்பாகவும் இருக்க உதவுகிறது.

இந்த சூப்பர் உணவுகளை, உங்கள் உணவில் சேர்த்துக்கொள்வது நீங்கள் எடுக்கக்கூடிய சிறந்த முடிவாக இருக்கும். ஆரோக்கியமான தாய் ஆரோக்கியமான குடும்பம் என்பதை நினைவில் கொள்ளுங்கள்.

(பொறுப்பு துறப்பு: இங்கு வழங்கப்பட்ட தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது.)

மேலும் படிக்க:

வாழைப்பூ: நீங்கள் கேள்விப்படாத சூப்பர் உணவு !

Dates With Milk Benefits: நினைத்து பார்க்க முடியாத நன்மைகள் தரும்: பால்-பேரீச்சம்பழம் ஜோடி