மீன்வளப் பல்கலைக்கழகத்தில் சேர வேண்டுமா? இன்று முதல் விண்ணப்பிக்கலாம்!

தமிழ்நாடு டாக்டர் ஜெ ஜெயலலிதா மீன்வளப் பல்கலைக்கழகத்தின் (TNJFU) துணைவேந்தர் ஜி சுகுமார், நடப்பு ஆண்டிற்கான பல்கலைக்கழகத்தின் ஆன்லைன் இளங்கலை சேர்க்கை போர்ட்டலைத் தொடங்கி வைத்துள்ளார். 12-ஆம் வகுப்பு முடித்த மாணவர்கள் எவ்வாறு விண்ணப்பிக்கலாம் என்பதை இப்பதிவில் விரிவாகப் பார்க்கலாம்.

பல்கலைக்கழகம் ஒன்பது இளங்கலை படிப்புகளை வழங்குகிறது. ஆறு தொழில்முறை மற்றும் மூன்று துணை தொழில்முறை படிப்புகள் என ஒன்பது படிப்புகளை வழங்குகிறது.

மேலும் படிக்க: TNEB: ஆகஸ்டுக்குள் 50 ஆயிரம் இலவச விவசாய மின் இணைப்பு! இன்றே விண்ணப்பியுங்கள்!

 

மீன்வள அறிவியல் பல்கலைக்கழகத்தின் இளநிலை படிப்பினை (BFSc) தூத்துக்குடி, பொன்னேரி மற்றும் தலைஞாயிறு ஆகிய இடங்களில் அமைந்துள்ள மூன்று கல்வி நிறுவனங்களில் வழங்கப்படுகிறது. பல்கலைக்கழகம் நான்கு பிரிவுகளில் பிடெக் படிப்பை வழங்குகிறது. மீன்வள பொறியியல் கல்லூரி, நாகப்பட்டினம், AICTE-அங்கீகரிக்கப்பட்ட, மாநில நிதியுதவியுடன் கூடிய BTech (மீன்வளப் பொறியியல்) மற்றும் BTech (எரிசக்தி மற்றும் சுற்றுச்சூழல் பொறியியல்) பற்றிய சுய-ஆதரவுத் திட்டத்தை வழங்குகிறது.

மேலும் படிக்க: 7th Pay commission: அரசு ஊழியர்களுக்கு அதிரடியான 3 சர்ப்ரைஸ்கள்!!

 

சென்னை, ஓஎம்ஆர் வளாகத்தில் உள்ள மீன்வள உயிரி தொழில்நுட்ப நிறுவனத்தில் பிடெக் (பயோடெக்னாலஜி) வழங்கப்படுகிறது. சென்னை மாதவரத்தில் உள்ள மீன் ஊட்டச்சத்து மற்றும் உணவு தொழில்நுட்ப கல்லூரியில் பிடெக் (உணவு தொழில்நுட்பம்) வழங்கப்படுகிறது. இவை தவிர, மாதவரம், முட்டுக்காடு மற்றும் மண்டபம் வளாகங்களில் உள்ள துணைத் தொழில் நிறுவனங்களில் தொழில்துறை மீன் பதப்படுத்தும் தொழில்நுட்பம், தொழில்துறை மீன் வளர்ப்பு மற்றும் தொழில்துறை மீன்பிடித்தல் ஆகியவற்றில் யுஜிசி-அங்கீகரிக்கப்பட்ட மூன்றாண்டு BVoc திட்டங்கள் வழங்கப்படுகின்றன.

மேலும் படிக்க: 100 நாள் வேலைத் திட்டம்: 150 நாட்களாக மாற்றப்படுமா?

சிறப்புப் பிரிவுகளின் கீழ் விண்ணப்பிக்கும் மாணவர்கள் ஆன்லைன் விண்ணப்பத்தைப் பூர்த்தி செய்யும் போது உரிய ஆவணங்களைப் பதிவேற்றம் செய்ய வேண்டும். யுஜி படிப்புகளுக்கான ஆன்லைன் விண்ணப்பங்கள் பல்கலைக்கழக இணையதளத்தில் (www.tnjfu.ac.in) கிடைக்கும். ஆன்லைன் விண்ணப்பத்தைச் சமர்ப்பிப்பதற்கான கடைசித் தேதி ஆகஸ்ட் 8, 2022 என அறிவிக்கப்பட்டுள்ளது. எனவே, மாணவர்கள் தங்களின் பூர்த்தி செய்யப்பட்ட விண்ணப்பத்தை அந்த தேதிக்குள் சமர்ப்பிக்க வேண்டும் எனக் கேட்டுக்கொள்ளப்படுகிறார்கள்.

மேலும் படிக்க:  IRCTC முன்பதிவில் புதிய மாற்றம்! இப்போதே தெரிந்துக்கொள்ளுங்கள்!!

ஆன்லைன் விண்ணப்பம் / சேர்க்கை செயல்முறை ஆன்லைன் பதிவு, விண்ணப்பத்தை நிரப்புதல், தரவரிசை பட்டியல் வெளியீடு, ஆன்லைன் கவுன்சிலிங் மற்றும் இட ஒதுக்கீடு ஆகியவற்றைப் பின்பற்றி இவ்வாண்டு சேர்க்கை நடைபெற உள்ளது என்பது குறிப்பிடத்தக்கது.

மேலும் படிக்க

ஆடு வளர்ப்புக்கு ரூ. 4 லட்சம்! மத்திய அரசின் அருமையான திட்டம்!!

இனி விவசாயிகள் ஏரி குளங்களில் மண் எடுக்கலாம்! தமிழக அரசு உத்தரவு!